Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, сон заманлар Суриjада һөкумәт гүввәләринә гаршы дөjүшән силаһлылар арасында азәрбаjҹанлыларын олмасы хәбәрләри ҝүндәми зәбт едиб. Бу дөjүшләрдә вәһһаби тәригәтиндән олан азәрбаjҹанлылардан 50 нәфәрә jахыны jараглынын өлдүрүлдүjү медиаларда jаjымланыб. Әсасән Түркиjә каналы илә Суриjаjа ҝедән Азәрбаjҹан вәтәндашлары арасында Загаталанын Мухах кәндинин сакинләри дә вар. Иjунун орталарында Суриjада ҝедән дөjүшләрдә өлдүрүлән Рәшад Мәммәдовун атасы Зәкәри Мәммәдов АПА ТВ-jә ачыгламасында һазырда Суриjада ҝедән дөjүшләрдә бу кәнддән дөрд нәфәрин иштирак етдиjини билдириб. Зәкәри Мәммәдов бөjүк оғлунун һазырда Мухах кәндиндә jашадығыны, кичик оғлунун исә Дағыстанда олдуғуну билдириб. Онун сөзләринә ҝөрә, ортанҹыл оғлу, 1982-ҹи ил тәвәллүдлү Рәшад Мәммәдов Нахчыванда һәрби хидмәтдә олуб. Һәрби хидмәтдән сонра Загаталада өзүнә иш тапа билмәjән Рәшад Дағыстана ишләмәjә ҝедиб.
Суриjада өлдүрүлән Рәшад Мәммәдовун атасы Зәкәри Мәммәдовун сөзләринә ҝөрә, оғлу Рәшад Мәммәдовла бәрабәр кәнддән даһа 3 нәфәр Суриjаjа ҝетмәк ады илә февралын орталарында кәнди тәрк едибләр. Онлардан бири Зәкәри Мәммәдовун гардашы оғлу Ваһид Мәммәдов, диҝәрләри Сүлеjманов Ризван Исмаjыл оғлу вә Әһмәдов Галиб Мүтәллиб оғлудур. Бу шәхсләр Түркиjәjә ҝедәрәк, орадан Суриjа әразисинә кечибләр.
Суриjада дөjүшләрдә өлдүрүлән Ризван Сүлеjмановун анасы Хаҹҹат Гәдирова АПА ТВ-jә jалныз шифаһи ачыглама вермәjә разы олуб. Оғлунун Суриjаjа ҝетмәздән әввәл кәнддә зәлзәлә нәтиҹәсиндә гәзалы вәзиjjәтә дүшмүш евләрин тикинтисиндә уста кими ишләдиjини деjән ананын сөзләринә ҝөрә, Ризван Сүлеjманов февралда ишләмәк ады илә Бакы ҝедиб. Хаҹҹат Гәдирова оғлунун Суриjада олдуғуну бир мүддәт сонра кәнд сакинләриндән ешитдиjини билдириб.
Суриjада ҝедән дөjүшләрдә иштирак едән Әһмәдов Галиб Мүтәллиб оғлу һаггында мәлумат исә даһа аздыр. Кәнд сакинләринин сөзләринә ҝөрә, Галиб Әһмәдовун сәһһәтиндә проблемләр олдуғу үчүн дөjүшләрдә иштирак етмир, о jалныз компүтер васитәси илә ҝөрүлән ишләрә ҹәлб едилиб.
Мухах кәндиндә узун саггал сахлаjан, вәһһаби тәригәтинин нүмаjәндәләринә тез-тез раст ҝәлмәк олар. Кәнд сакинләри илә сөһбәтдә мәлум олур ки, кәнддә саjлары дәгиг билинмәсә дә, вәһһаби тәригәтинә тапынан кифаjәт гәдәр шәхс вар. Онлар Суриjаjа дөjүшмәк үчүн ҝедәнләрин дә вәһһаби олдуғуну билдирирләр.
Геjд етмәлиjик ки, Азәрбаjҹан вәтәндашларындан ибарәт вәһабиләр тәкҹә Загатала раjонундан деjил өлкәнин диҝәр раjонларындан мисал олараг Тәртәр раjонундан да Гарабағда ишғалчы ермәниләрә гаршы деjил мәһз Суриjада халг тәрәфиндн ҝениш шәкилдә дәстәк алан анти-имериалист һөкүмәтә гаршы вурушмаға ҝедибләр.
Диггәт: Хәбәрдән истифадә етдикдә мәнбәjә истинад лазымдыр
