Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасы Ордусу тәкидлә билдириб ки, диҝәр силаһлы гүввәләрлә jанашы jүксәк һазырлыг вәзиjjәтиндә олараг һәр бир һәдә илә һәртәрәфли шәкилдә гаршылашмаг игтидарындадыр.
Иран Ислам Республикасы Ордусу Мүгәддәс Мүдафиә һәфтәси мүнасибәти илә бәjанат jаjараг, билдириб ки, Мүгәддәс Мүдафиә һәфтәси, әслиндә ашигҹәсинә ингилаб аммалары jолунда ҹаныны фәда едән шәһидләрин мәдәниjjәт вә мәнәви хәзинәләриндән вә потенсиалларындан фаjдаланмаг, һәмчинин мүһарибә ветеранларынын иҝидликләри вә фәдәкарлыгларындан истифадә үчүн өнәмли бир фүрсәт саjылыр. Онлар иман силаһындан фаjдаланмагла суперҝүҹләрин мәғлубедилмәз иллузиjасыны һәмишәлик олараг мәһв етдиләр.
Бу бәjанатда Ирагын Бәс режиминин мүстәмләкәчи гүввәләр тәрәфиндән тәхрибатчы вә күтләви гырғын силаһларла силаһландырылмасына тохунулараг деjилир, Сәддамын өтән ҝүнкү һимаjәдарлары, бу ҝүн реҝионда мүһарибә төрәтмәкклә, ҝүнаһсыз халгы гырғын етмәклә өзләринин кечмиш сәһвләрини тәкрарламаг ниjjәтиндәдирләр. Онлар бундан гафилдирләр ки, халгларын гырылмаз ирадәләри реҝионун вәзиjjәтинин тәjин едилмәси үчүн мүһүм амил вә бөһрандан өтмәк үчүн jеҝанә чыхыш jолу саjылыр вә мәнтәгәдә һәр бир хариҹи мүдахилә, сөзсүз ки, мәғлубиjjтә уғраjаҹаг.
21 сентjабр Ирагын Бәс режиминин Иран Ислам Республикасы әлеjһинә гәбул етдирилмиш мүһарибәнин илдүнүмү вә Мүгәддәс Мүдафиә һәфтәсинин башланғыҹы саjылыр вә һәр ил бу ҝүн мүнасибәти илә Иран Ислам Республикасынын горуjуҹуларынын иҝидлик вә ҹомәрдлиjини геjд етмәк үчүн мүхтәлиф мәдәни вә инҹәсәнәт тәдбирләри һәjата кечирилир.
Диггәт: Хәбәрдән истифадә етдикдә мәнбәjә истинад лазымдыр
