Әһли Беjт (әлеjһимус сәлам) -АБНА- Хәбәр Аҝентлиjи- Бөjүк ирфан устады, Аjәтуллаһ Сәадәтпәрвәр Пәһләванинин өз тәләбәсинә jаздығы мәктубу диггәтинизә чатдырырыг.
"Бисмиһи Тәала
Сизә вә әгидә достларыма Аллаһа jахынлашмаг үчүн фаjдалы олаҹаг шеjләри тәзәккүр бабындан хатырлатмағы лазымлы ҝөрдүм. Дедикләрим диггәтә алындығы тәгдирдә 100 иллик jол, бир илдә гәт едиләр - Иншәллаһ.
1.Ваҹиб әмәлләр jеринә jетирилмәли, һарам вә ҝүнаһлар тәрк едилмәлидир...
Бу әмәлдән сонра имкан даирәсиндә мүстәһәбләрин jеринә jетирилмәси вә мәкруһларын тәрк едилмәси лазымдыр. Мүстәһәбләрдән, ҝеҹә намазы гылынмалы, сүбһ намазындан әввәл оjанмаг вә намазларын вахтында гылынмасы лазымдыр. Гуран охумаг, Пеjғәмбәр вә Әһлибеjтинә (ә) тәвәссүл тәрк едилмәмәлидир.
2. Устадын лазымлылығыны дәрк етмәк, онун дедикләрини jеринә jетирмәк, һал, сөз вә ҝөрәҹәjи мүшаһидә вә һәтта ҝөрдүjү jухулары белә она сөjләмәк вә устад jанында өз фикирини билдирмәмәк лазымдыр.
3. Һәр шеjдә ифрат вә тәфритдән чәкинмәк,
4.Диггәт вә һиссләри дағдаҹаг сөһбәтләрдән, еjни шәкилдә сөз вә давранышларындан, геjдсиз олан достлуг мүнасибәтләриндән чәкинмәк лазымдыр.
5. Мүрагиб олан шәхсләрлә достлуг чох jахшыдыр, анҹаг онларын устадынын дедикләринә уjғун олмаjан дедикләринә диггәт едилмәмәлидир. Чүнки, аjрылыг jарада биләр.
6. Дүнjа әһли, jемәк, jатмаг вә һәр шеjин jахшысыны әлдә етмәкдән башга бир сәjи олмаjанларла әлагәләр зәрәрлидир, анҹаг зәрурәт мигдары гәдәр олмалыдыр.
7. Бу jолу ҝедәнләрин дәрди анҹаг өзү олмалы вә өзүнүн мәнәви һалы үчүн мәшғул олмалыдыр. Геjбәт вә онун бунун далынҹа данышмагдан чәкинмәлидир, һәтта геjбәт олмаса белә.
8. Сүкута фикир вермәли, лазым олан мигдарда данышмалыдыр. Чүнки, (мәнәви) проблемләрин чоху дилдән гаjнагланыр.
9. Нәфсани истәкләрдән чәкинмәли, һәр һадисәдә вә нәфсинин итаәтсизлиjиндә һеч олмаса өзү үчүн бир сечим нөгтәси тапмаг үчүн истиһарәjә бахылмалыдыр.
10. Һәр иш вә әмәли ҝүҹү чатдығы тәгдирдә етмәлидир. Устад вә бу jолу ҝедән достларла мүшавирә чох лазымлыдыр.
11. Бу jолу ҝедәнләр башына ҝәлән ишләри, әминлик мәрһәләсинә jетишәнә гәдәр устадындан башгасына демәмәлидир.
12. Аллаһын гулларыны писләмәкдән чәкинмәли, өзүнүн ислаһ дүшүнҹәсинә гапылмалы вә өзүндәки нөгтәләрин үзәриндә мөһкәм даjанмалыдыр ки, беләликлә башгаларынын еjибләри нәзәринә ҝәлмәмиш олсун. Әлбәттә әмр бе мәруф вә нәһjәз мункәр башга мөвзудур. (Бу тәрк едилмәмәлидир).
13. Бүтүн мүҹаһидә вә зәһмәтләр руһун мөһкәмләтмә олмасы вә нәфсин бу тәбиәт аләминдән гопмасындан өтәри олдуғундан онун мөһкәмләтмәси үчүн сәj сәрф едилмәлидир. Онун мөһкәмләндирилмәсинин jолу исә зикр едилән мөвзулара имкан өлчүсүндә әһәмиjjәт вермәкдән кечәр. Еһтиjаҹ хариҹиндәки мадди истигамәтләрин мөһкәмләтмәсиндән чәкинмәк лазымдыр.
Диггәт: Хәбәрдән истифадә етдикдә мәнбәjә истинад лазымдыр
