Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн, милад тәгвими илә 17 Сентjабр, 2013 тарихә тәсадүф едән, Һиҹри Гәмәри тарихи илә 11 Зил Гәдә, 1434-ҹү ил Шиәләрин сәккизинҹи Имамы, һәзрәти Әли ибни Муса әл-Ризанын (әлеjһимәс сәлам) анадан олан ҝүндүр.
Биз АБНА олараг бу бәрәкәтли баjрамы, башда заманәмизин Һагг Имамы, һәзрәти Муһәммәд ибн Һәсән Әскәри (Аллаһ Тәала онун зүһуруну тезликлә ҝерчәкләшдирсин) олмагла, онун һагг наиби Имам Хаменеjи ҹәнабларына вә онун симасында бүтүн Тәглид Мәрҹәләринә вә Аллаһ Тәаланын jаратдығы шүурлу варлыглара тәбрик әрз едирик.
Биз бу хош вә фәрһли ҝүн мүнасибәти илә саjтымызын зиjарәтчиләринә һәзрәт Имам Рзанын (әлеjис сәлам) инҹи долу кәламларындан бир гисмини тәгдим едирик.
Сонда Аллаһ Тәаланы анд веририк өз иззәти ҹәлалына, һәзрәти Имам Рза (әлеjһис сәлам) ҹәнабларына хатир бизләри бу мүгәддәс кәламлары охуjуб она әмәл едәнләрдән гәрар версин.
Имамын Кәламлары:
1-
لايكـون المـومـن مـومنـا حتـى تكـون فيه ثلاث خصـال: 1ـ سنه من ربه2 .ـ وسنه من نبيه. 3- و سنه من وليه.
فـاما السنه مـن ربه فكتمان سـره. و امـا السنه من نبيه فمـداراه الناس . و امـا السنه مـن وليه فـاصبـر فـى البـاسـاء و الضـراء.
(اصـول كـافـى, ج 3 ,ص 339 و تحف العقـــول, ص 442.)
Мөминин үч әсас хсүсиjjәти
Һәзрәти Имам Рза (әлеjһис сәлам) буjуруб: Мөмин мөмин саjылмаз әҝәр онда бу үч хүсусиjjәт олмазса. 1- Рәббинин сүннәсинә әмәл етмәклик. 2- Пеjғәмбәринин сүннәсинә әмәл етмәклик. 3- Аллаһын Вәлисинин (Мәсум Имамын) сүннәсинә әмәл етмәклик.
Амма Аллаһын сүннәси, онун сиррини горуjуб ҝизләтмәкдән ибарәтдир. Пеjғәмбәрин сүннәси исә, инсанлары (ҹүзи вә шәхси мәсәләләрдә, әмр бе мәруф вә нәһj әз мүнкәр олмаjан ишләрдә) jола вермәкдир. Аллаһын тәjин етдиjи Вәлинин сүннәси исә, мүсибәт вә бәлалар үз вердиjи вахт сәбирли олмагдыр.
(Үсул Кафи, ҹилд 3, сәһ. 339 вә Түһәфүл Үгул, сәһ. 442)
2-
الـمستتر بـالـحسنه يـعـدل سبعين حسنه, و المذيع بالسيئه مخذول, و المستتر بالسيئه مغفور له.
(اصول كافى,ج 4,ص 160)
Јахшы иши пүнһанда ҝөрмәjин савабы вә пис иши ҝөз габағында ҝөрмәjин ҹәзасы
Һәзрәти Имам Рза (әлеjһис сәлам) буjуруб: “Јахшы иши пүнһанда ҝөрән шәхсә 70 бәрабәр саваб верләҹәк. Пис ишләри ашкарда ҝөрән шәхс алчагдыр. Пис ишләри пүнһанда ҝөрүб ашкар етмәjән шәхс исә бағышланаҹагдыр”.
(Үсул Кафи, ҹилд 4, сәһ. 160)
3-
من اخلاق الانبياء التنظف.
(تحف العقول, ص 442.)
Паклыг
Һәзрәти Имам Рза (әлеjһис сәлам) буjуруб: “Пеjғәмбәрләрин әхлагларындан бири дә паклыға риаjәт етмәкдир”.
(Түһәфүл Үгул, сәһ. 442)
4-
لا يتـم عقل امـرء مسلـم حتـى تكون فيه عشر خصـال : الخيــر منـه مـامــول. و الشر منه مامـون. يستكثر قليل الخير من غيره, و يستقل كثير الخير مـن نفسه. لا يسام من طلب الخـوائج اليه, و لا يمل مـن طلب العلـم طول دهره. الفقرفى الله احب اليه من الغنى و الذل فى الله احب اليه مـن العز فى عدوه. و الخمـول اشهى اليه من الشهره.
ثـم قال (ع) العاشره و ما العاشره؟ قيل له: ما هى؟ قال(ع): لايرى احدا الا قال: هو خير منى و اتقى.
(تحف العقول , 443.)
Ағыллы шәхсин он хүсусиjjәти
Һәзрәти Имам Рза (әлеjһис сәлам) буjуруб: “Мүсәлман олан инсанын ағлы jалныз он хисләт онда олдуғу заман тамам ола биләр:
1- Даим онун хеjрли ишләр ҝөрәҹәjинә үмид едилә.
2- Ондан һеч кимә пислик кечмәз.
3- Башгасынын аз хеjр ишини һәмишә чох саjар.
4- Өзүнүн ҝөрдүjү бөjүк хеjрли ишләри даим кичик санар.
5- Ондан һәр гәдәр истәк вә һаҹәт истәсәләр һеч вахт үрәjи сыхылмаз.
6- Өмүр боjу елм өjрәнмәкликдән jорулмаз вә боjун гачырмаз.
7- Аллаһ jолунда фәгирлиjи (касыбчылығы) варлы олмагдан үстүн тутар (jәни мадди аләмә чох алудә олмагдан гачар).
8- Аллаһ jолунда (инсанлар гаршысында) хар олмаглығы дүшмәни илә бир олуб иззәтли олмагдан үстүн тутар.
9- Шөһрәтсизлики, адынын инсанлар арасында мәһшурлашараг шөһрәт тапмасындан үстүн тутар.
10- Сонра Имам Рза (әлеjһис сәлам) онунҹу хүсусиjjәти дедиjи заман буjурду: Онунҹусу!.. Ахы сән нә билирсән Онунҹусу нәдир?
Бу заман “онунҹу нәдир?”- деjә Имамдан сорушдулар. Имам Ҹаваб верди: Һәр кәсә бахдығы заман даим гаршысындакыны өзүндән үстүн биләр вә “о, мәндән үстүн вә пәһризкардыр”- деjә буjурар”.
(Түһәфүл Үгул, сәһ. 443)
5-
الاخ الاكبر بمزله الاب.
(تحف العقول, ص 442)
Бөjүк гардашын мәгамы
Һәзрәти Имам Рза (әлеjһис сәлам) буjуруб: “Бөjүк гардашын мәгамы атанын мәгамы jериндәдир”.
(Түһәфүл Үгул, сәһ. 442)
6-
صديق كل امرء عقله و عدوه جهله.
(تحف العقول, ص 443)
Һәр кимин дост вә дүшмәни
Һәзрәти Имам Рза (әлеjһис сәлам) буjуруб: “Һәр бир шәхсин досту онун ағылы, дүшмәни исә онун ағылсызлығыдыр”.
(Түһәфүл Үгул, сәһ. 443)
7-
التودد الى الناس نصف العقل.
(تحف العقول, ص 443)
Ҹамаатла достлуг етмәклик
Һәзрәти Имам Рза (әлеjһис сәлам) буjуруб: “Ҹамаатла достлуг етмәклик ағлын jарысыдыр”.
(Түһәфүл Үгул, сәһ. 443)
8-
ان الله يبغض القيل والقـال واضـاعه المـال و كثـره السـوال.
(تحف العقول, ص 443)
Гышгырыг салмаглығын пис олмасы һагда
Һәзрәти Имам Рза (әлеjһис сәлам) буjуруб: “Һәгигәтән Аллаһ Тәала гышгырыг салмаглығы, әмлакы дағытмаглығы вә даим мадди jардым истәмәклиjи дүшмән тутур вә бу ишләри хошламыр”.
(Түһәфүл Үгул, сәһ. 443)
Диггәт: Хәбәрдән истифадә етдикдә мәнбәjә истинад лазымдыр
