Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн, 7 Сентjабр, 2013 тарих, jерли вахтла саат 08:00- да, Иран Ислам Республикасынын Әфганыстанын Һәрат әjаләтиндә jерләшән консуллуғуна басгын едилиб.
Һәрат Полис Шобәсинин Спикери Әбдүл Рәуф Әһмәди, бу барәдә билдириб: “Тәзаһүратчылар Иран Ислам Республикасынын Һәрат әjаләтиндәки консуллуғуна од вуруб jандырмаг истәjирдиләр. Лакин Тәһлүкәсизлик Гүввәләринин тәдбирләри илә гаршылашмалы олдулар”.
Һал шаһидләринин вердиjи мәлумата ҝөрә, jүрүш тәшкил едәнләрин саjы 500 нәфәр jахын олуб.
Полис һәмчинин билдриб: “Гызышдырыҹыларла сәрт рәфтар едилди... Гаршыдурма заманы jүрүш едәнләрдән бир нәфәр һәлак олду, 3 нәфәр исә хәсарәт алараг jараланды. Геjд едәк ки, һадисә заманы 4 полис әмәкдашы jараланараг Һәрат хәстәханасына jерләшдирилиб”.
Бәзи jерли КИВ-ләрин мәлуматына ҝөрә исә, гаршыдурмада ики нәфәр һәлак олуб, даһа 4 нәфәр исә jараланыб. Өләнләрдән биринин исә полис әмәкдашы олдуғу билдирилир.
Һазырда Иран Ислам Республикасынын Консуллуг бинасы Полис гүввәләри тәрәфиндән там нәзарәт алтына ҝөтүрүлүб вә мәнтәгәдә сабитлик һөкм сүрүр.
Диггәт: Хәбәрдән истифадә етдикдә мәнбәjә истинад лазымдыр
