Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, интернет сәһифәләриндә jаjымланан видеочархда, хариҹи дөвләтләр тәрәфиндән дәстәкләнәрәк, Суриjаjа ҝәтиздирилмиш сәләфи jараглылары Суриjа вәтәндашларыны, хүсуси илә дә гадын вә ушагларын гәтлә jетирмәкләри һагда алдыглары тапшырыгларла бағлы, дәһшәтли ачыгламалар верибләр.
Јаjымланан видеочархда, Лазгиjә әjаләтиндә террор әмәлиjjатлары һәjата кечирән “Риjадул Абидин” адлы террор груплашмасынын үнсүрләриндән бири, Надим Бәлуч кимjәви газлардан истифадә едәрәк, суриjалы гадын вә ушаглары өлдүрәҹәкләринә ишарә едәрәк деjир: “Биз, суриjалылара гадын вә ушагларыны өлдүрмәклә зәрбә вурмаг гәрарына ҝәлмишик”.
Пакистандан ҝәтиздирилмиш муздлу террорчу, даһа сонра әл-Гаидә террор тәшкилатынын сабиг лидери Бен Ладенә истинад едәрәк, өз иjрәнҹ һәдәфләрини белә изаһ едир: “Биз онларын гадын вә ушагларыны өлдүрүрүк. Бен Ладин бу һагда деjиб: Бу гырғынлар о замана кими давам едәҹк ки, онлар бизим гадын вә ушагларымызы өлдүрмәкдән әл чәксинләр”.
Азғын вәһаби террорчусу Надим Бәлуч, сонра деjир: “Биз әлимиздәки силаһын (кимәви силаһлара ишарә едир) гүдрәтли олдуғуну билирик вә бизим леһимизә мүсбәт тәсирләр гоjаҹағына инанырыг. Биз бир даһа билдиририк ки, әҝәр Суриjа Ордусу бир метр jахынлашарса, һәр бир шеjә әл атаҹағыг. Биз онларын евләринә һүҹм чәкәрәк, ҝүнләрини гаранлыг ҝеҹәjә чевирәҹәjик”.
Диггәт: Хәбәрдән истифадә етдикдә мәнбәjә истинад лазымдыр
