Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан Ислам Партиjасынын һәбсдә олан Лидери Доктор Мөвсүм Смәдовун президентлиjә намизәд кими сечкиләрдә иштирак едәҹәjи һагда мәлумат верилмишдир. Бу мәгсәдлә Мөвсүм Сәмәдовун сәнәдләри МСК-jа тәгдим олунуб. Партиjа бир нечә мүддәтдир ки, МСК-дан хәбәр ҝөзләjир. МСК-нын ҹавабы исә чох гәрибә олуб. Белә ки, гурумдан билдирибләр ки, Мөвсүм Сәмәдовун сәнәдләри МСК-jа тәгдим олунмаjыб.
Азәрбаjҹан Ислам Партиjасынын сәдр мүавини, тәшәббүс групунун рәһбәри Акиф Һеjдәрли гәзетимизә ачыгламасында баш верәнләрин нөвбәти әдаләтсизлик олдуғуну вә һакимиjjәтин Доктор Мөвсүм Сәмәдова гаршы гәрәзли мүнасибәт ҝөстәрдиjини билдирди: “Әввәлдән бизә гаршы мүнасибәт неҹә олмушдуса, бу ҹүр дә давам едиб. Сәнәди гәбул едән ханым jоха чыхыб, телефонлары ҹаваб вермир. МСК-нын jаланчы бир гурум олмасы үзә чыхды вә фәалиjjәт истигамәтинин геjри-ҹидди олмасы ҝөрүндү. Биз, иманлы инсанлар кими, һәр кәсә дүз оланы, һәгигәти сөjләjирик. Чалышаҹағыг ки, МСК-нын һесабатларынын гондарма олмасыны, бу гурумун сахтакарлыгла мәшғул олдуғуну фактларла сүбут едәк”.
Ислам партиjасынын үзвү Натиг Кәримов да баш верәнләри һакимиjjәтин сонунҹу әмәли кими гиjмәтләндирди вә бу сахтакарлығы ифша едәҹәкләрини билдирди: “Инсанын сәнәдләри неҹә ола биләр ки, ҝөjә учсун? Бу һакимиjjәтин ахырынҹы ашағылығыдыр. Сәнәдләрин һансы мәртәбәдә, кимә верилмәси дә мәлумдур. Садәҹә олараг сәнәдләр верилән заман бизим нүмаjәндәләрә гәбз верилмәjиб. Гәбз олмадығына ҝөрә дә билдирирләр ки, Мөвсүм Сәмәдовун сәнәдләри МСК-jа тәгдим олунмаjыб. Биз бу сахтакарлыгла бағлы бәjанат һазырлаjырыг вә бу бәjанаты бүтүн гурумлара ҝөндәрәҹәjик”.
Диггәт: Хәбәрдән истифадә етдикдә мәнбәjә истинад лазымдыр
