Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ибни Мүлҹәм (ләнәтуллаһи әлејһ) о даш үрәкли вә өзүнү мүгәддәс кими ҝөстәрән гатил, 40-ҹы һиҹри илиндә рамазан ајынын 19-да сәһәр вахты Мәсҹиддә намаз гыларкән Әли (әлејһис салам)-ын башына зәрбәт ендирди. Әли (әлејһис салам)-ын јарылмыш башындан ахан ган Мәсҹидин меһрабыны Һәзрәтин ал ганына гәрг етди. Имамы мәнзилә апардылар. Үч ҝүн евдә јатағда узанды. Бу мүддәт әрзиндә чохлу инсанлар онун ҝпрүшүнә ҝәлир ди... Нәһајәт Мүбарәк Рамазан ајынын 21-ҹи ҝеҹәси Аллаһын евиндә дүнјаја ҝөз ачмыш инсан сонунҹу вәсијјәтини етдикдән сонра Аллаһын евиндә дә дүнјасыны дәјишәрәк Пәрвәрдиҝарына говушду...
Биз АБНА олараг, бу ағыр, һүзнлә долу олан ҝүнү, башда Имам Заман һәзрәтләринә (Аллаһ онун шәрәфли зүһуруну тезләшдирсин), онун һагг наиби Имам Хаменеи ҹәнабларына вә бүтүн бәшәријјәтә дәрин һүзнлы башсағлығы веририк.
Имам Әлинин (әлејһис сәлам) өмрүнүн ахыр вахтларында бујурдуғу вәсијјәтнамәси
Әмирәл Мөминин (әлејһис сәлам) Аллаһ Тәаланын шәриксиз олмасына шәһадәт верир вә һәзрәти Муһәммәдин (сәлләллаһу әлејһи вә алиһ) Аллаһын бәндәси вә онун Елчиси олдуғуна играр едир. Аллаһ ону Пејғәмбәр олараг ҝөндәрди ки, өз динини онун көмәклији илә, диҝәр динләрә гәләбә чалдырсын. Мәним намазым, ибадәтим, һәјатым вә јашајышым Аллаһ үчүндүр. Онун шәрики јохдур, мән бу ишә әмр олмушам вә она тәслим оланларданам, дејә һәзрәти Әли (әлејһис сәлам) бујурду: “Оғлум Һәсән! Сән, бутун өвладларым, Әһли-Бејтим вә бүтүн о кәс ки, јаздығым мәктуб она чатаҹаг сизи ашағыдакы ишләрә төвсијә едирәм:
1. Илаһи тәгваны һечвахт јаддан чыхартмајын, чалышын өмрүнүзүн сон анынаҹан Аллаһын дининдә галасыз.
2. Һамылыгла Аллаһын ипиндән јапышын, иман вә Аллаһшүнаслығы мејары гәрар вериб бир араја ҝәләрәк бирләшин вә тәфригә салыб икитирәлик јаратмагдан чәкинин, Пејғәмбәр бујуруб: “Ҹамаат арасындакы мүнагишәләрин һәлл едилмәси, даим оруҹ тутуб намаз гылмагдан фәзиләтлидир. Дин јалныз фитнә-фәсад салмагла арадан ҝедәр.”
3. Јахынларыз вә гоһумларынызы јаддан чыхартмајын, силеи-рәһм един ки, силеи-рәһм Аллаһ јанында исанын сорғу-суалыны јүнҝүлләшдирир.
4. Сизи анд верирәм Аллаһ! Аллаһа! Јетимләрлә хош давранын, олмаја аҹ вә бахымсыз галсынлар.
5. Сизи анд верирәм Аллаһ! Аллаһа! Гоншуларынызла хош рәфтар един, Пејғәмбәр гоншу һаггда о гәдәр тапшырыглар бујурду ки, ҝүман етдик, гоншу биздән ирс апараҹаг.
6. Сизи анд верирәм Аллаһ! Аллаһа! Гурана әмәл един, олмаја диҝәрләри әмәл етмәкдә сиздән өнә кечәрләр.
7. “Әмр бе мәруф” вә “нәһј әз мүнкәр” етмәји јаддан чыхартмајын, бу ики принсиби тәрк етмәк пис вә напак инсанларын сизләрә һаким кәсилиб зүлм етмәләринә сәбәби олаҹаг, сонра да сизин јахшыларыныз нәгәдәр дуа етсәләр дә, дуалары гәбул омајаҹаг.
8. Сизи анд верирәм Аллаһ! Аллаһа! Намаз гылын. Намаз динин сүтунудур.
9. Сизи анд верирәм Аллаһ! Аллаһа! Кәбә евини горујун. Олмаја һәҹҹә ҝетмәклик тәтил ола. Әҝәр тәтил оларса, мөһләт верилмәдән диҝәрләри сизләрә гәләбә чаларлар.
10. Сизи анд верирәм Аллаһ! Аллаһа! Аллаһ јолунда Ҹиһад един. Бу јолда өз ҹаныз вә малыздан һеч бир шеј әсирҝәмәјин.
11. Сизи анд верирәм Аллаһ! Аллаһа! Зәкат верин. Зәкат, Аллаһын әзаблы атәшини сөндүрүр.
12. Сизи анд верирәм Аллаһ! Аллаһа! Пејғәмбәрин нәслинә диггәт јетирин. Олмаја онлара зүлм олунсун.
13. Сизи анд верирәм Аллаһ! Аллаһа! Пејғәмбәрин сәһабәләри вә көмәкчиләринин гәдрләрини билин. Аллаһын Рәсулу (сәлләллаһу әлејһи вә алиһи вә сәлләм) онлары тапшырыб.
14. Сизи анд верирәм Аллаһ! Аллаһа! Касыбларын һајына галын. Онлары өз һәјатынызда өзүнүзә шәрик гәрар верин.
15. Сизи анд верирәм Аллаһ! Аллаһа! Гулларла Аллаһ бујуран кими рәфтар един ки, Пејғәмбәрин сонунҹу бујуруглары онлар һаггында иди.
16. Аллаһын разылығы олан ишләрдә чалышын вә ҹамаатын (бу ишин әлејһинә мүхалиф олдуглары заман) дедикләринә гулаг асмајын.
17. Ҹамаатла Гуран бујурдуғу кими хош вә ҝөзәл рәфтар един.
18. Араныздакы достлуг әлагәләрини ҝүҹләндирин, бир-биринизә јахшылыг един. Кәнара чәкилиб, әлагәләрә сон гојуб, икитирәлик салмагдан пәһриз един.
19. Хер ишләри бир-биринизин көмәклији илә, бирликдә әнҹам верин. Ҝүнаһ ишләрдә һәмкарлыг етмәкдән һәмчинин кин-күдрәтә ҝәтириб чыхаран дүшмәнчилик јарадан ишләрдә јардымчы олмагдан пәһриз един.
20. Аллаһдан (она гаршы үсјан етмәкдән) чәкинин. Онун ҹәзалары чох шиддәтлидир.
Аллаһ сизи һимајәси алтында һифз етсин, Пејғәмбәр үммәтинә дә, сизин (јәни Әһли-Бејт әлејһимус сәлам) вә Пејғәмбәрин һөрмәтини сахламаг үчүн тофиг әта етсин. Сизи Аллһа тапшырырам. Вәссәламу әлејкум вә рәһмәтуллаһ...”
Бәзиләри бујурур ки, Имам вәсијјәтини гуртардыгдан сонра бир ләһзә биһуш олду јенидән һуша ҝәлдикдән сонра зилзал сүрәсинин сонунҹу ајәсини “Һәр ким зәррә гәдәр јахшы иш ҝөрәрсә онун хејрин ҝөрәҹәк вә һәр ким зәррә гәдәр пислик едәрсә онун ҹәзасыны чәкәҹәк”- охуду вә сонра руһу мүбарәк бәдәниндән ајрыланаҹан “Лә Иләһә илләллаһ” зикрини деди вә ҝөзләрини јумду.
Диггәт: Хәбәрдән истифадә етдикдә мәнбәјә истинад лазымдыр
