Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Әфганыстан мәнбәләри, өлкәнин 11 ил бундан өнҹә АБШ ишғалчылары тәрәфиндән ишғал едилдији ҝүндән бәри бу өлкәдә, христиан тәблиғат макинасынын ишә дүшәрәк Әфган вәтәндашларынын мәсиһиләшдирилмәси планына старт верилдијини билдирир.
Әфганыстан Милли Мәҹлисинин бир груп үзвләри, һәјаҹан тәбили чалараг, өлкәдә вә хариҹдә јашајан әфган вәтәндашларынын сүрәтлә христианлашдыгларыны билдирибләр. Әфганыстан Милли Мәҹлисинин үзвләри, бу фәлакәтин гаршысынын алынмасыны диггәтә чәкәрәк дејибләр: “Әфганыстан, јабанчы мәдәнијјәтин ишғалына мәруз галыб. Әҝәр бунун өнү вахтында алынмазса, христианлығы гәбул едән Әфган вәтәндашларынын сајы, ҝүнү-ҝүндән артаҹагдыр.”
Әфганыстан Милли Мәҹлисинин нүмајәндәси “Нәзир Әһмәд Һәнәфи”, Милл Мәҹлисин өтән ҝүнкү сесијасында данышараг билдириб: “Әфган вәтәндашларынын Һиндистанда христианлығы гәбул етмәләри давам етмәкдәдир. Һиндистана тәһсил вә саир иш ардыјҹа ҝедән бәзи Әфган вәтәндашлары, орада христианлығы гәбул едирләр. Бу ишин шәри һөкмү мәлумдур. Гурани Кәримин бујурдуғуна әсасән онлар едам олунмалыдырлар.”
Диҝәр Әфган Милләт Вәкили Әбдүл Сәттар Хәвас исә, артыг Һиндистанда “Әфган Килсәси”-нин тикидијини вә Һиндистана јени ҝәлән һәр бир әфганлынын бу килсәјә дәвәт олундуғуну өнә чәкәрәк дејиб: “Биз, бүтүн бунларын әсас сәбәбкарыны мәһз, Американын Әфганыстана ҝирәрәк бурада галмасында ҝөрүрүк.”
Бәдәхшан әјаләтинин Милләт Вәкили “Әбдүл Ләтиф Пәдрам” да өз нөвбәсиндә, Әфганыстанын гаранлыг ҝәләҹәјиндән нараһат олдуғуну дилә ҝәтирәрәк билдириб: “Американын Әфганыстанда галмасы, Әфган вәтәндашларынын христианлашмасы демәкдир. Американын узун мүддәтли планы “Мәдәнијјәтин Ишғалыдыр”. Бу ишғалын бир һиссәси дә, мәһз Ислам Дининин христианлыгла әвәз едилмәсидир.”
Диггәт: Хәбәрдән истифадә етдикдә мәнбәјә истинад лазымдыр
