Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Рспубликасынын Президенти Доктор Мәһмуд Әһмәди Нежад, өтән ҝүн, Теһран вахты илә, 17:00 радәләриндә, Ислам Өлкәләринин Теһрандакы сәфирләри илә ҝөрүш кечирдиб.
Сәмими кечирилән ҝөрүш заманы, ИИР-ын Президенти Јахын Шәрг өлкәләриндә баш верән дәјишиликләрә ишарә едәрәк билдириб: “Бүтүн милләтләр, сијаси фәаллар, сијасәтчиләр вә .с. ҹәрәјанлар бәшәр һүгугларынын әсасыны тәшкил едән үч мүһим әслә, мүтләг диггәт јетирмәлидирләр.”
Ҹәнаб Әһмәди Нежад сонра билдириб: “Бүтүн милләтләрин “Әдаләт, Азадлыг вә Инсан Кәрамәти”-ндән бәһрә апармага һүгугу вардыр. Һәмчинин һәр бир милләт “Азад Сечки” һүгугуна маликдир.”
Иран Ислам Республикасынын Президенти даһа сонра, бу үч әсасын мүхтәлиф үслубларла һәјата кечирилмәсинә ишарә едәрәк, “Әдаләт, Азадлыг вә Инсани Кәрамәтин” јалныз доғру үслубла һәјата кечирилмәсинин дүзҝүн олдуғуну вурғулајараг билдириб: “Бәзиләри, “Әдаләт, Азадлыг вә Инсан Кәрамәти” ардыјҹадылар. Суал олунур ки, бу функсијаларын һәјата кечирилмәсинин јолу нәдир? Ҝөрәсән бу фуксијаларын јолу мүһарибә, сојғунчулуг вә гырғындырмы? Әлбәтдәки бу дејил...
Доктор Әһмәди Нежад сонра, Ислам Өлкәләринин Теһрандакы сәфирләринә хитаб едәрәк билдирди : “Һәр бир кәс, бу мөвзу һагда өзү вә Аллаһы арасында дүшүнәрәк һөкм чыхардмалыдыр. Ҝәрәк, “Әдаләт, Азадлыг вә Инсан Кәрамәти”-нин бир һәгигәт олдуғуну гәбул етмәлијик. Бүтүн милләтләр бу һүгуга малик олмалыдырлар. Биз, Ислам Республикасы олараг вә мән дә өз нөвбәмдә бир садә Мүсәлман үнванында һеч бир милләтә гаршы кин вә әдавәт бәсләмирик...”
Ислам Республикасынын Президенти даһа сонра тәкид едәрәк билдириб: “Бизим әгидәмиз, милләтләрин инкишафы, Әдаләт, Иззәт вә Кәрамәт һүгугларына чатмасыдыр. Биз, һамыны өзүмүзә гардаш билир вә өлкәләр арасында баш верән гаршыдурмалар заманы һансы тәрәфдән олурса олсун һәлак оланлар үчүн үрәјимиз ағрајыр...
Диггәт: Хәбәрдән истифадә етдикдә мәнбәјә истинад лазымдыр
