Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сәлиб Јүрүшләринин давамында 20-ҹи әсрин ән бөјүк фәлакәти олан “Сербенитса Мүсәлманларынын Сојгырымы” тарихин ганлы сәһифәсинә әбәди олараг һәкк олуб. Авропалы вандал террористләри тәрәфиндән төрәдилән бу ҹинајәтин гурбанлары фаҹиә үзәриндән он илләр өтмәсинә бахмајараг һәлә дә кәшф олунурлар.
Дүнән, Боснијанын Потокари шәһәриндә “Сербенитса Мүсәлманларынын Сојгырымы”нын 409 гурбанын ҹәсәдләри хүсуси еһтирамла торпаға тапшырылыб. Ҹәсәдләр арасында 1 гыз ушағы вә 14 јашла 18 јаш арасында олан 44 оғлан ушағынын ҹәсәдләри дә мөвҹуддур. Мөһтәшәм кечирилән дәфн мәрасиминдә минләрлә Бошнак, өз доғмалары илә видалашыблар.
Хатырладаг ки, Боснија сојгырымы 1991-1995-ҹи илләрдә кечмиш Југославијада баш верән вәтәндаш мүһарибәси заманы серб ордусу тәрәфиндән төрәдилиб. Христиан серб ордусу тәкҹә 1995-ҹи илин ијулунда ән азы 8300 боснијалы мүсәлманы Сребренитса шәһәриндә гәтлә јетирмәк илә сојгырым актын төрәдиб.
Гәтлләр ҝенерал Ратко Младичин табечилијиндә олан вә ағыр силаһларла тәҹһиз едилмиш христиан серб ордусу тәрәфиндән төрәдилмишдир. Сојгырым заманы гадын вә ушагларын да гәтлә јетирилдији сәнәдләрлә сүбута јетирилмишдир. Серб ордусујла јанашы "Әгрәбләр" ады илә танынан Сербија хүсуси тәһлүкәсизлик дәстәләри дә гәтлиамын төрәдилмәсиндә иштирак етмишләр. Боснијада сербләр тәрәфиндән төрәдилән сојгырым мәһз БМТ-нин Сребренитсаја јерләшдирдији 400 силаһлы Һолландија сүлһмәрамлысынын ҝөзү өнүндә баш вериб.
Сребренитса сојгырымы II дүнја мүһарибәсиндән сонра Авропада баш верән ән иримигјаслы гәтлиамдыр. Бу сојгырым һәм дә II дүнја мүһарибәсиндән сонра Авропада һүгуги ҹәһәтдән илк дәфә сәнәдләшдирилмиш сојгырым актыдыр.
Диггәт: Хәбәрдән истифадә етдикдә мәнбәјә истинад лазымдыр
