Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн Исламчы Журналист, Азадхебер.нет сајтынын баш редактору, виҹдан мәһбусу Ниҹат Әлијевин вә онунла бирликдә тәгсирләндирилән Исламчы диндар Нәсиров Елвин, Ҹамалов Горхмаз, Һүсејнов Елимхан, Һүсејнов Самир, Тофигли Емин, Мәммәдов Сәфәр, Әлијев Әлинин нөвбәти мәһкәмә иҹласы кечирилиб.
Мәһкәмә иҹласы 10:30-а тәјин едилсә дә адәти үзрә ҝеҹ башлајыб. Белә ки, мәһкәмә иҹласы һаким Зејнал Ағајевин сәдрлији илә саат 11:50-дә башлајыб.
Мәһкәмә иҹласында 2 шаһид диндирилиб. Онлар Шабанов Ләтиф вә Үзејиров Бәһруз олуб. Просесә илкин олараг шаһид Ләтиф Шабанов дәвәт олунуб.
Һаким: кими таныјырсан?
Шаһид: һеч кими.
Һаким: данышын ҝөрәк нәјә шаһидлик едирсиз?
Шаһид: һәмин ҝүнү палтар алмаға ҝәлмишдим. Ики дәгигә олмады ки, полисләр дүкана ҝирдиләр вә бизи бөлмәјә апардылар.
Вәкил: саат нечәдә сизи сахлајыб апардылар бөлмәјә?
Шаһид: саат беш-алты оларды.
Вәкил: нечәдә бурахдылар?
Шаһид: ҝүнорта үч-дөрд.
Вәкил: бу гәдәр вахтда нијә сахламышдылар сизи?
Шаһид: ифадә алырдылар.
Вәкил: дүкана ҝирәндә полисләр мүлки ҝејимдә иди, ја формада?
Шаһид: һәм мүлки, һәм дә полис формасында вар иди.
Вәкил: нечә нәфәр оларды?
Шаһид: 10-дан чох оларды.
Вәкил: сизә гаршы тәзјиг олдуму, ја да кимәсә тәзјиг оланда ҝөрдүнүзмү?
Шаһид: мәнә гаршы хејр, башгасына гаршы ҝөрмишәм.
Һаким просесә һал шаһиди гисминдә Бәһруз Үзејирову дәвәт етди. Гејд едәк ки, һал шаһиди өзү дә мәһкумлуг һәјаты сүрдүјүндән просесә гандалла дахил олуб.
Һаким: кими таныјырсан?
Шаһид: һеч кими. Мән үмумијјәтлә, бура нијә чағырылмыша билмирәм. Мәним бу ишә аидијјатым јохдур.
Вәкил: полис бөлмәдә сахланан шәхсин үзәринә бахыш кечирәркән сиз һал шаһиди олмусуз?
Шаһид: хејр.
Вәкил Самир Һүсејнова: һал шаһидини таныјырсан?
Самир Һүсејнов: бәли, таныјырам. Бојнума ручка силаһы атанда бу да орда иди. Фаиг адлы бир нәфәр деди ки, бојнуна алмасан евиндән силаһ анбары чыхарарыг. Бу сөзләри Фаиг дејәндә бу адам да орда иди.
Һаким: сәнин биринҹи ифадәндәки имзанла индики имзан да ејнидир, неҹә ола биләр ки, сәнин хәбәрин јохдур?
Шаһид: мән һеч нәјә гол чәкмәмишәм.
Һаким һал шаһидинин илкин ифаәдәсини мәһкәмәдә елан етди. Даһа сонра исә һал шаһиди вәзијјәтдән чыхыш үчүн һакимдән вахт истәди ки, јенидән ҝуја јадына салмаға чалышыб ифадә верәҹәк.
Ниҹат Әлијевин вәкили Абил Бајрамов билдириб ки, тибби експертиза илә бағлы вәсатәт тәмин едилсә дә, иҹрасы илә бағлы һеч бир һәрәкәт јохдур. Вәкил билдириб ки, әҝәр експертиза ҝеҹикдириләрсә, хәсарәт изләри тамамилә арадан ҝедәҹәк.
Һаким Зејнал Ағајев бу мәсәләнин иҹраатына ҝөстәриш верәҹәјини билдириб вә нөвбәти просеси 18 ијул саат 10:30-а тәјин едиб.
Диггәт: Хәбәрдән истифадә етдикдә мәнбәјә истинад лазымдыр
