Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасы "faktor-7" вә МС дәрманы истеһсалында игтисади мүстәгиллијә чатыб вә хариҹи өлкәләрдән тибби асылылыға сон гојуб.
ИИР-ын Гида вә Дәрман Тәшкилатынын сәдр мүавини Шәмсәли Рзазадә ҝәлән һәфтәнин әввәләриндә хәрчәнҝ хәстәлијинә гаршы бир модерн дәрман нөвүнүн истеһсал хәттинин ачылышы, "Пениҹиллин-ҝ" адлы хаммалын истеһсалы, һәмчинин МС дәрманлары вә "Фактор-7" ган дәрманынын истеһсалында игтисади мүстәгиллијә чатмасындан хәбәр вериб.
Шәмсәли Рзазадә дејиб: "Ҝәлән шәнбә өлкәдә хәрчәнҝ хәстәлијинә гаршы "һи-теҹһ" адлы бир дәрман нөвүнун истеһсалы үзрә јени хәтт ачылаҹаг ки, бу дустаксел бир дәрмандыр вә мүхтәлиф хәрчәнҝ хәстәликләринин мүалиҹәсиндә ишләдилир."
О, әлавә едиб: "Һемофилија хәстәләринин мүалиҹәси саһәсиндә дә чох әһәмијјәтли олан "Фактор-7" ган дәрманынын тәмин олунмасында там истеһсал сәвијјәсинә чатмышыг вә бу бахымдан өлкәмиз игтисади мүстәгиллијә наил олуб ки, бу да реҝион вә дүнјада дәрман саһәсиндә бөјүк бир наилијјәт һесаб олунур."
Диггәт: Хәбәрдән истифадә етдикдә мәнбәјә истинад лазымдыр
