Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу ҝүн 1 ијун 2013 тарихдә Мисир президенти Мурсинин әлеһдарлары онун тәмсил олундуғу сәләфијөнлү “мүсәлман гардашлары партијасы”нын пајтахт Гаһирәдәки баш гәрарҝаһына һүҹум едәрәк ораны дағыдыблар.
Мәлумата ҝөрә,гәрарҝаһа һүҹум чәкәнләр партија гәрарҝаһынын ҝириш јерини дағыдараг, әмлаклара од вуруб јандырмагла мадди зәрәрләр јетирибләр.
Һүҹум әрәфәсиндә бир груп партија үзвләри гәрарҝаһдан чөлә чыхараг, етиразчыларла әлбәјаха олдугдан сонра онларын гәрарҝаһа ҝиришинин өнү алыныб.
Гејд едәк ки, рәсми мәлуматлара ҝөрә, базар ҝүнү кечирилмиш етираз аксијасында президентин тәрәфдарлары илә әлеһдарлары арасында јаранан гаршыдурма нәтиҹәсиндә 16 нәфәр һәлак олуб, 700 нәфәр јараланыб. Мисир Дахили Ишләр Назирлији билдириб ки, етираз аксијаларында 14 милјона јахын етиразчы иштирак едиб. Етиразчылар Мисир президенти Мурсинин ијул ајынын 2-ә гәдәр истефа вердијини тәләб едибләр.
Диггәт: Хәбәрдән истифадә етдикдә мәнбәјә истинад лазымдыр
