Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Франсанын пајтахты Парисин Арҝентеуил мәһәлләсиндә мүсәлман гадын радикал иргчи груплашмаларын һүҹумуна мәруз галыб. Һадисә заманы һамилә ханым ушағыны итириб.
Бу барәдә иҹтимаијјәтә тәҹавүзә мәруз галан ханымын вәкили Һосни Маати ачыглама вериб. Вәкил гејд едиб ки, һүгугларыны мүдафиә етдији 21 јашлы ҝәнҹ ханым һамилә олдуғу 4 ајлыг көрпәсини итириб.
Ҹүмә ахшамы ҝүнү ики нәфәрин һүҹумуна мәруз галан мүсәлман ханым, мүхтәлиф дәрәҹәлә бәдән хәсарәтләри алыб. Ҹинајәти төрәдәнләр онун һиҹабыны чыхармаг истәјибләр. Лакин буна наил ола билмәјибләр. Гадынын һамилә олдуғуну билдирәрәк јалвармасы, ҹинајәти төрәдән шәхсләрин онун гарнына тәпик вурмасына сәбәб олуб.
Гејд едәк ки, ејни бөлҝәдә 3 һәфтә бундан өнҹә дә диҝәр бир һиҹаблы ханым тәҹавүзә мәруз галмышды. Һадисәдән сонра полисин мәсәләјә лојал јанашмасы Франсада јашајан мүсәлманларын ҹидди шәкилдә етиразына сәбәб олмушду.
Диггәт: Хәбәрдән истифадә етдикдә мәнбәјә истинад лазымдыр
