Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән “Бибиһејбәт Нефт-Газ Чыхарма Идарәсинин рәиси Илгар Һәмзәјевлә бағлы дахил олан шикајәти һәлә ки, чох ачмаг истәмирик. Бунунла бағлы SOCAR рәһбәрлијинә мүраҹиәт етмишик. Сөзү ҝедән рәис 2009-ҹу илдән ишчиләр арасында ајры-сечкилик салмагла јанашы, тәһгир едиҹи ифадәләр ишләдир.”
Бу сөзләри “Нефтчиләрин Һүгугларыны Мүдафиә Тәшкилатынын сәдри Мирвари Гәһрәманлы Бибиһејбәт Нефт-Газ Чыхарма Идарәсинин рәиси Илгар Һәмзәјевин фәһләләр тәрәфиндән иш јеринә асылан Шәһид Мүбаризин вә Мәммәд Әмин Рәсулзадәнин шәкилләрини чыхарараг ҹырмасына даир дахил олан шикајәтә ајдынлыг ҝәтирәркән сөјләјиб.
Мирвари ханым ону да билдирди ки, ганунсузлугла үзләшән фәһләләр онлара мүраҹиәт едиб вә бундан сонра аидијјәти гурумлара мүраҹиәт олунаҹаг: “Әҝәр шикајәтләрә бахылмаса бу даһа да пис нәтиҹәләрә ҝәтириб чыхара биләр. Она ҝөрә ки, Биби-һејбәтлә бағлы бу биринҹи шикајәт дејил. Бундан өнҹәдә шикајәтләр дахил олмушду. Әҝәр мәсәлә һәллини тапмаса ишчиләр ширкәт президенти илә ҝөрүшмәјә чалышаҹаглар.”
Мәммәд Әмин Рәсулзадәнин шәкилинин ҹырылмасы вә Шәһид Мүбариз Ибраһимовун шәкилинин чыхарылмасы мәсәләсинә дә ајдынлыг ҝәтирән һүгуг мүдафиәчиси һадисәнин доғрудан да баш вердијини билдирди: “ Илгар Һәмзәјев һесаб едирик ки, иш јеринә јалныз Һејдәр Әлијевин шәкли вурула биләр. Һазырда сөзү ҝедән ширкәтдә кифајәт гәдәр Гарабағ ветераны фәалијјәт ҝөстәрир. Белә бир шәраитдә Шәһид Мүбариз Ибраһимовун шәклинә гаршы һөрмәтсизлик һеч бир һалда јол верилмәздир. Башга вахт вәтәнпәрвәрликдән данышырлар.”
Диггәт: Хәбәрдән истифадә етдикдә мәнбәјә истинад лазымдыр
