Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән 3 ијун 2013 тарихдә, Ливанын ҹәнубундакы Сејда Лиман шәһәриндә, Һизбуллаһ Мүгавимәт Тәшкилаты илә сых әмәкдашлыг едән нүфузлу Сүнни Алими “Шејх Маһир Һәмуд”, сәләфи сионист гүввәләри тәрәфиндән она гаршы һазырланан террор актындан ҹаныны саламат гуртара билиб.
Һадисә илә бағлы ачыглама верән Шејх Маһир Һәмуд билдириб: “Дүшмәнин һүҹуму заманы, ҹанҝүдәнләримин активлији сајәсиндә, дүшмәнин машынына ҹидди зијан дәјиб.”
Дүшмән гүввәләри террор заманы АК-47 автомат калашников силаһындан истифадә едибләр.
Террор һадисәсинин баш вермәсинә бахмајараг, Шејх Маһир Һәмуд ҹәнаблары Бејрутун ЈУНЕСКО салонунда, Ислам Ингилабынын Баниси, Имам Хомејни һәзрәтләринин Иртиһалынын илдөнүмү илә әлагәдар кечирилән мәрасимдә иштирак едәрәк, Иран Ислам Ингилабы һаггда чыхыш едиб.
Иран Ислам Республикасынын Ливан үзрә сәлаһијјәтли сәфири тәрәфиндән тәшкил олунан бу мәрасимдә, Ливан Иҹтимаијјәтинин мүхтәлиф тәбәгәләри, Ливан Һәрбичиләри, Ливан Һизбуллаһ Тәшкилатынын рәсми нүмајәндәләри, Әмәл Тәшкилатынын Рәсми Нүмајәндәләри, Ливан Президентинин рәсми нүмајәндәси, Ливан Баш Назиринин рәсми нүмајәндәси вә һабелә Шиә, Сүнни мәзһәбләринин, һәмчинин Христианларын Али Рүтбәли Нүмаәндәләри иштирак едибләр.
Диггәт: Хәбәрдән истифадә етдикдә мәнбәјә истинад лазымдыр
