Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Данимаркада ишчиләринин һиҹаблы олмасына иҹазә вермәјән супермаркетләр шәбәкәси, Мүсәлман Ханымларын сосиал медиада башлатдыглары кампанијадан сонра бу ганунсузлуғу арадан галдырыб вә Һиҹаб сәрбәстлијини бәрпа едиб.
“Данск Супермаркед” шәбәкәси һиҹаб гадағасынын арадан галдырылдығыны бәјан едиб. Гәрар, сосиал медиада өз азадлыглары уғрунда кампанијаја башлајан мүсәлманлар тәрәфиндән мәмнунијјәтлә гаршыланыб.
250 мин мүсәлманын јашадығы Данимаркада Нада Фраиже адлы Мүсәлман Ханым бу јахынларда Һиҹаблы олдуғуна ҝөрә сөзүҝедән ширкәтдә ишиндән узаглашдырылмышды. Бундан сонра мөвзу бүтүн өлкәнин сосиал медиасынын әсас ҝүндәминә чеврилиб. Чохлу сајда данимаркалы Мүсәлман ҝәнҹләрә өз дәстәјини вериб. 2 һәфтәлик етиразлардан сонра ширкәтин сөзҹүсү Мадс Ҝранд бу мөвзуну рәһбәрлик сәвијјәсиндә мүзакирә етдикләрини вә бундан сонра һиҹабла әлагәдар һеч бир ајры-сечкилијин олмајаҹағыны бәјан едиб.
Диггәт: Хәбәрдән истифадә етдикдә мәнбәјә истинад лазымдыр
