Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Түркијәдә јанлыш сијасәтләрин уҹбатындан төрәнмиш иғтишашлар сәнҝимәк билмир. Белә ки, Измир шәһәриндә Таксим Ҝәзинти Паркындакы һадисәләрә етираз едән бир груп АКП-нин Каршыјака бөлҝәсинин тәшкилат бинасына һүҹум едиб.
Аксијачыларын бинаја бензин илә долу шүшә габларын атмасы нәтиҹәсиндә јанғын башлајыб. Бина гаршысында ҝөзләјән полисләрин вәзијјәти билдирмәсиндән сонра бөлҝәјә ы јанғынсөндүрмә дәстәләри ҝәтирилиб.
Нүмајишчиләр бунунла кифајјәтләнмәјәрәк, бинанын алт гатындакы банк шөбәсинә дә һүҹум едиб, тәһлүкәсизлик камераларыны сындырыб.
Полисләрин тәтбиг етдикләри шиддәтләрә ҹаваб олараг, аксијаја давам едән нүмајишчиләр полисә дашла һүҹум едиб. Полис тәзјигли су вә бибәр газы илә нүмајишчиләри дағыдыб.
Диггәт: Хәбәрдән истифадә етдикдә мәнбәјә истинад лазымдыр
