Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Суријада Милли Ордунун јабанчы террор груплашмаларына гаршы апардығы “Тәмизләнмә Әмәлијјатлары”, сүрәтлә давам едир.
Һомс вилајәтинин Ксајр вә Рестен бөлҝәләриндә, террористләрә гаршы һәрби әмәлијјатларыны давам етдирән Сурија Милли Ордусу, чохлу сајда террористи тәсирсиз һала ҝәтирәрәк, јараглылардан Фәләстин торпагларыны ишғал етмиш сионист исраил режиминин истеһсал етдији күлли мигдарда мәрми, силаһ вә сурсатлар кәшф едәрәк, әлә кечиртмишдир.
Рестендә, әһали вә вәтәндашлара һүҹум едән јараглы террор груплашмасы илә, гаршыдурмаја ҝирән Сурија Милли Ордусу, Кәфар Нан мәнтәгәсиндә террористләри дармадағын етмишдир.
Бу һаггда һәрби гајнаглардан верилән мәлумата ҝөрә, мәһв едилмиш јараглылардан 17 ағыр автомат дөјүш силаһы, 2 РПҜ рокетатар, ишғалчы исраил ҹүһүд режиминин истеһсалы олан 3 Лав силаһынын јанында инкишаф етмиш рабитә ҹиһазлары, бөлҝә планы, наркотик һәбләр вә хејли мигдарда силаһ-сурсатлар әлә кечирилмишдир.
Һәрби гајнаг, Сурија Милли Ордусунун Ксајр шәһәринин шимал сәмтиндә дә, азғын террор груплашмаларынын бәзи үзвләрини өлдүрүб вә јараладыгларына ишарә едәрәк билдириб: “Шәһәрин мүхтәлиф сәмтләриндә, араларында әл-Нүсрә террор груплашмасынын командирләри олмагла јанашы, чохлу сајда террористләр өлдүрүб вә јаралајараг тәсрсиз һала ҝәтирмишик”.
Диггәт: Хәбәрдән истифадә етдикдә мәнбәјә истинад лазымдыр
