Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән вәһабиләрин һеч бир вәҹһлә изаһ олунмајан, әзиз Ислам Пејғәмбәринин (сәлләллаһу әлејһи вә алиһ) Әһли-Бејтинә (әлејһимус сәлам) гаршы дүшмәнчиликләри, артыг өзүнүн пик һәддинә чатмышдыр. Белә ки, Сәуди Әрәбистанын Ҹиддә шәһәринин мәсуллары “Фатимәтуз Зәһра (с) Мәсҹиди”нин адыны “Мәсҹидур Рәһмә” илә дәјишәрәк, әвәз едибләр!
Пејғәмбәр (сәлләллаһу әлејһи вә алиһ) Әһли-Бејтинин (әлејһимус сәлам) дүшмәнләри олан вәһабиләр, гејд олунан Мәсҹиддә әсаслы тәмир ишләри заманы, Мәсҹидин структуруну там дәјишәрәк, онун адынын “Фатимәтуз Зәһра (с) Мәсҹиди” олмасыны да инкар едибләр.
Шиәләрлә дүшмәнчиликләрини ҝизләтмәјән вә Әһли-Бејтә гаршы олмазын тәһгирләрини едән вәһабиләр, “Фатимәтуз Зәһра (с) Мәсҹиди”нин адыны дәјишмәләринин сәбәбини “изаһ” етмәк үчүн, гондарма иддиалар ирәли сүрәрәк белә дејибләр: “Фатимә, Мәсҹиди тикдирән таҹирин анасынын ады олуб! Инсан адыны Мәсҹидә гојмаг исә һарамдыр!..”
Лакин јерли сакинләрин билдирдијинә ҝөрә, Мәсҹидин ады мәһз һәзрәти Муһәммәд (сәлләллаһу әлејһи вә алиһ) Пејғәмбәрин ҝүл гызы, ханым Фатимәтуз Зәһранын (сәламуллаһи әлејһа) адыны дашыјыб. Вә вәһабиләр тәрәфиндән олунан иддиаларын һаммысы әсассыздыр...
Диггәт: Хәбәрдән истифадә етдикдә мәнбәјә истинад лазымдыр
