Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Хебер44шҹом сајтынын ШӘРЛӘНӘРӘК һәбсдә јатан Баш Редактору Араз Гулијев газаматдан јаздығы мәктубда Азәрбајҹан Халгыны Аллаһа сөјкәнәрәк, һаггыны тәләб етмәкә сәсләјиб.
Мәктубу олдуғу кими зијарәтчиләримизә тәгдим едирик:
Нормал өлкәләрдә халг кими истәјирсә ону да һакимијјәт башына ҝәтирир.Азәрбајҹанда исә әдаләтли сечкидән данышмаг чох чәтиндир.20 илдир өлкәмиздә сечкиләр сахталашдырылараг халгын сәси оғурланыр.Бу илки сечкидә дә сахтакарлығын олаҹағы шүбһә доғурмур.Амма буна ҝөрә һечдә һәвәсдән дүшмәј лазым дејил.Сечкиләрдә әсас сөз саһиби јенәдә халгдыр.Мәшһур аталар мәсәлиндә елин ҝүҹүнү селин ҝүҹүнә бәнзәдибләр.Сел исә ағаҹлары көкүндән гопартмаға белә гадирдир.Халгымыз ҝәрәк өзү неҹә јашамаг истәдијини вә нәјә лајиг олдуғуну ҝөстәрсин.Әзиз Ислам Пејғәмбәри (с) бујурмушдур:”Һәр бир халга,үммәтә өзүнә лајиг башчы вериләр.”
Азәрбајҹаны идарә едән һаким режим нәфәрләри рүшвәт,коррупсија һесабына һәддиндән артыг вар-дөвләт јығыблар.Мәлум мәсәләдир ки,алдыглары әмәк һаггы илә бу гәдәр вар дөвләти топлаја билмәзләр.Онларын өлкәмизин сәрвәтини тапдаламагла оффшор зоналарына,хариҹи банк һесабларына милјардларла долларын көчүрмәси дә һамыја ҝүн кими ајдындыр.Јалныз ахмаг адамлар буну инкар едә биләр.Мәмурларын,депутатларын,һөкумәт јөнүмлү јалтагларын һаггдан,әдаләтдән,инкишафдан данышмасы исә бирбаша халгы әлә салмагдыр.Амма бу мәсәләдә бизим дә ҝүнаһ пајымыз вар.5-10 ҝүнлүк дүнја һәјатына бағланмағымыз,өлүмдән,итирәҹәјимиздән горхмағымыз бизим белә јашамағымыза сәбәб олмушдур.Гурани Кәримин Әнам сурәси 123-ҹү ајәсиндә бујурулур:”Биз ҝүнаһкар ҹамаатын башчыларыны һијлә-кәләк ишләдән етдик ”.
Еј Азәрбајҹан халгы! Сиз өзүнүз дә бунларын неҹә јалан вәдләр вердијинин,неҹә јалан данышдыгларынын шаһидисиниз.Өлкәмизин малыны,сәрвәтини чапыб-талајан,өлкәдә манаполија мүһити јарадан елә “јухарыларын” өзләри дејилми? Халгын дүканыны, базарыны, евини учуран, рүшвәт јыған, ”һагг” јыған онлар дејилми? Азанымыза, һиҹабымыза гадағалар гојан, мәсҹиди мәһкәмәјә верән, һаггларыны, һүгугларыны тәләб едән Азәрбајҹан оғулларыны ҹүрбәҹүр гара јахмаларла, наркотиклә, силаһла шәрләјән, азад мәтбуаты сусдуруб журналистләри һәбсә атанда онларын өзләридир.
Имам Һүсејн (ә) бујуруб:”Аллаһын һалалыны һарам едән,һарамыны һалал едән,халга зүлмлә рәфтар едән залим султаны ким ҝөрүб динмәсә јери ҹәһәннәмдир”.
Одур ки,бизләр әјнимизә ҝејиндијимиз “дөзүмлү халг” либасыны чыхарыб халга зүлм едәнләрә гаршы дөзүмсүзлүк ҝөстәрмәлијик.
Хилафәтин илк ҝүнү Һәзрәти Әли (ә)-ын халгын гаршысында етдији тарихи бир чыхышыны сизин диггәтинизә чатдырмаг истәјирәм.О,бөјүк шәхсијјәт дејир: “Ҹамаат бу бир нечә минијин үстүндәкиндән вә әјнимдәки палтардан башга мәним дүнја малындан һеч нәјим јохдур.Әҝәр ҝөрсәниз ки,мән бунлардан артыг өзүм үчүн бир шеј артырмышам билин ки,сизә хәјанәт етмишәм”.
Һәзрәти Әли (ә) бу чыхышы илә о вахтдан индијә кими јашамыш бүтүн халглара бир месаж ҝөндәрди.О,демәк истәди ки, еј ҹамаат дөвләт башында кимин дурмасындан асылы олмајараг өз һаггынызы тәләб един,хәјанәтлә барышмајын.Һәмчинин о,өзүндән сонра бу ҝүнки ҝүнә кими ҝәләҹәк бүтүн дөвләт башчыларына, президентләрә демәк истәди ки, халга хәјанәт, зүлм етмәјин.
Артыг Азәрбајҹан халгы баша дүшмәлидир ки, бизим сәһвимиз, ҝүнаһларымыз уҹбатындандыр ки, бизә гаршы һијлә-кәләк ишләдилир, зүлмлә рәфтар олунур. Халгымыз инанмалыдыр ки, әҝәр јахшылыға доғру дәјишиклик истәсә вә бунун үчүн сәј ҝөстәрсә Аллаһ (ҹ.ҹ) буну онлара верәҹәкдир.
Гурани-Кәримин Рәд сурәси 11-ҹи ајәсиндә бујурулур: “Һәр бир халг, үммәт өз мүгәддаратыны, талејини дәјишмәсә Аллаһ да онларын мүгәддаратыны, талејини дәјишмәз”.
Совет режиминин неҹә дағылмасы јәгин ки, јаддашлардан силинмәјиб. 90-ҹы илләрдә халгымыз Совет көләлијиндән ајрылмаг истәди. Аллаһ (ҹ.ҹ) да буну халгымыза верди. ССРИ кими 70 иллик империјаја гаршы Азәрбајҹан халгы мүбаризә апарды вә галиб олду.
Биз јенә дә һәмән мүбариз халг руһијјәсини өзүмүзә гајтармалыјыг ки, ЈАП көләлијиндән чихаг. Халгымыз Аллаһа сөјкәнәрәк, Аллаһа архаланар өз ҝүҹүнә инанмалы вә Аллаһын истәјинә ујғун дәјишиклик етмәлидир. Аллаһа сөјкәнән халг галибдир!!!
Бакы шәһәри,1 сајлы истинтаг тәҹридханасы
Баш Редактор Араз Гулијев
Диггәт: Хәбәрдән истифадә етдикдә мәнбәјә истинад лазымдыр
