Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран ИСлам Республикасынын Мүдафиә Назири Ҝенерал Әһмәд Вәһиди, бу ҝүн вердији ачыгламада билдириб: “Суријаја террорист ҝөндәрән вә бу террористләри силаһландыран тәрәфләр, өз гејри гануни һәрәкәтләрини өрт-басдыр етмәк мәгсәдијлә 'Иран Ислам Республикасы Суријаја гүввә ҝөндәрир' кими әсассыз иддиалары ирәли сүрүрләр”.
Франса вә Инҝилтәрәнин тәзјигләри илә, Авропа Бирлијинин сон олараг Суријадакы террор групларына силаһ ембаргосуну галдырма гәрарына ишарә едән Ҝенерал Вәһиди, Сурија халгы дүшмәнләринин Суријада ҝүнаһсыз инсанлары өлдүрмәк, инфраструктур вә һәр шеји алт-үст етмәк сәјләрини дешифрә етдијинин вурғулады.
Иран Ислам Республикасы тәрәфиндән һәр һансы бир һүҹума мәруз галаҹағы тәгдирдә АБШ конгресинин исраил режимини дәстәкләјәҹәки илә бағлы гәбул етдији гәрар һаггында данышан ҹәнаб Вәһиди билдириб: “Иран Ислам Республикасы бахымындан бу гәрар һеч бир әһәмијјәт кәсб етмир. АБШ онсуз да, гондарма исраил режимини һәр һансы шәкилдә вә шәраитдә дәстәкләјир”.
Диггәт: Хәбәрдән истифадә етдикдә мәнбәјә истинад лазымдыр
