Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасы јени һәрби мәһсулларыны нүмајиш етдириб. Тәдбирдә Ислам Республикасынын Мүдафиә Назири, Ҝенерал-Мајор Әһмәд Вәһиди дә иштирак едиб.
Мәрасимдә “Саид” тапанчасы, “Әхҝәр” автоматы, “Мерсад” снајпери, “Нафез тәҹһизат” адлы гурғу, “Нејнәва” техники автомобили, “Скорпин” модернләшдирилмиш танкы, “Ланчер” адлы даһа бир һәрби гурғу, “Фәдәк” радио системи вә инфрагырмызы шүаларла ҝөрүнмәјән палтар нүмајиш етдирилиб. Һәрби мәһсуллар, Иран Ислам Республикасынын јерли мүтәхәссисләри тәрәфиндән истеһсал едилиб.
Бундан әлавә, ИИР-ын мәркәзи әјаләтләриндән сајылан Исфаһан шәһәринин Нәсрабад бөлҝәсиндә “Бејтүл-Мүгәддәс 25” адлы һәрби маневр башлајыб. Тәлимдә Иран Ислам Республикасынын Һәрби-Һава Гүввәләринин бригадалары, еләҹә дә Гуру Гошунларын зиреһли, механики, артиллерија, һава һүҹумундан мүдафиә, мүһәндис вә рабитә бөлмәләри өз ҝүҹләрини нүмајиш етдирибләр.
Диггәт: Хәбәрдән истифадә етдикдә мәнбәјә истинад лазымдыр
