Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹанын мүхтәлиф бөлҝәләриндә вә пајтахтда јашајан вәтәндашларын - зијалы, диндар, мөмин инсанларын бу илин октјабр ајында кечириләҹәк президент сечкиләри илә әлагәдар Азәрбајҹан Ислам Партијасынын сәдри Мөвсүм Сәмәдова үнванланан мүраҹиәтләрин сајы 102 мини өтүб. Бунунла бағлы Азәрбајҹан Ислам Партијасы сәдринин сијаси мәсәләләр үзрә мүавини Акиф Һејдәрли ФактХебер.ҹом-ун суалларыны ҹавабландырыб.
- Билдијимиз кими, бир аја јахындыр ки, АИП лидери Мөвсүм Сәмәдову Азәрбајҹан Республикасы Президент сечкиләриндә президентлијә намизәд ҝөрмәк истәјән вәтәндашлар имза топлама кампанијасы һәјата кечирирләр. Бу тәшәббүсүн сәбәби вә нәтиҹәләри барәдә нә дејә биләрсиниз?
- Азәрбајҹанын һәр бир кәнди вә шәһәриндә јашајан һәр бир вәтәндашы артыг мәлуматлыдыр ки, АИП сәдри Мөвсүм Сәмәдов Ағыр Ҹинајәтләрә даир мәһкәмәнин гәрары илә 12 ил мүддәтинә азадлыгдан мәһрум едилиб. Вә бу мәһрумијјәтин сәбәбләри дә чохларына ајдындыр. Амма бәзи мәгамлары да гејд етмәлијәм ки, М.Сәмәдов һакимијјәтин апардығы сәһв дахили вә хариҹи сијасәт барәдә һәлә 2011-ҹи ил јанварын 2-дә партијанын Баш Мәҹлисиндә етдији вә онун һәбсинә сәбәб олан чыхышында сәсләндирдији глобал негативликләр барәдә бәзи сијасиләр сечки әрәфәсиндә данышмаға башлајыблар. Өлкә әһалиси - зијалы, алим, мөмин, гејри-мөмин, садә инсанларын онлары ҝүндәлик һәјатда нараһат едән белә проблемләрин ҹәсарәтлә дилә ҝәтирилмәси, һәм дә бир партија сәдри тәрәфиндән етираз билдирилмәси шүбһәсиз ки, ҹавабсыз гојмамалары севиндириҹидир. Һәр һалда сечилән бу формат, јәни М.Сәмәдовун президентлијә намизәдлијинин истәнилмәси, һәм онун буна ләјагәтинин вә һәм дә һәбсинә сәбәб олан чыхышында сәсләндирдији негативликләрин, халга зүлмүн һәгигәт олдуғуну сүбут едир. Мүраҹиәт едәнләрин имзалары ејни заманда онун ҝөстәриҹисидир ки, инсанлар дејилән тәнгидләрлә разыдырлар вә М.Сәмәдов башда олмагла АИП-и дәстәкләјирләр. Диҝәр тәрәфдән дә бу бир аксијадыр ки, вәтәндашлар һәр һалда сөзләрини демиш олурлар, мәсәләләрә биҝанә галмырлар. Азәрбајҹан сечиҹисинин бу аддымындан һакимијјәт дә нәтиҹә чыхармалы, М. Сәмәдовун пассив сечки һүгугуну таныјараг, бу һүгугун бәрпа олунмасындан өтрү үзәриндән гондарма һәбс гәрарыны ҝери ҝөтүрмәлидир. Мөвсүм Сәмәдова өлкә иҹтимаијјәтинин сәҹијјәләнән бу мүнасибәти белә дәјәрли инсанларын дүзҝүн гијмәтләндирилмәсини, онлара гаршы репрессив һүҹумларын дајандырылмасыны тәләб едирик.
- Мүмкүнсә Мөвсүм Сәмәдова вәтәндашлар тәрәфиндән үнванланан мүраҹиәтләрин сајынын сон статистикасы барәдә дә мәлумат верәсиниз.
- Бу мүраҹиәтләр мүхтәлиф информасија васитәләринә дахил олур. Буна бахмајараг, партијамызы да бу аксијанын кечирилмәси вә нәтиҹәләри ҹидди марагландырыр. Хүсусән дә дахил олан мүраҹиәтләрин сајыны өјрәнмәк вә низамламаг үчүн әлимиздән ҝәләни едирик. Доғрудур, бәзи бөлҝә вә рајонларда әһалинин көнүллү мүнасибәтинин ҝөстәриҹиси олан имза аксијасынын гаршысыны алмагдан өтрү јерли иҹра органлары гејри-мәнтиги аддымлар атыр, инсанлары азад фикир билдирмәк һүгугундан мәһрум етмәјә, аксијаја гошулмагдан чәкиндирмәјә чалышырлар. Амма буна бахмајараг нәтиҹә ҝөзләдијимиздән даһа уғурлудур. Белә ки, сон ҝүнләрин һесабламалары вә ајры-ајры бөлҝә, кәнд вә шәһәрләрдән информасија васитәләринә вә һәмчинин дә партијанын мәркәзи офисинә дахил олан мүраҹиәтләрин сајы артыг 102 мини өтмүшдүр. Бу ҝүн дә етимад долу мүраҹиәтләр ҝәлмәкдәдир.
- Партија бу мүраҹиәтләрә истинадән һансы әлавә тәдбирләрә әл атаҹагдыр?
- Әввәлҹә дөвләтин рәсми органлары Азәрбајҹан вәтәндашларынын АИП сәдри Мөвсүм Сәмәдова олан тәрәфсиз мүнасибәтин һәҹми илә рәсмән мәлуматландырылаҹагдыр ки, диҝәр аддымларын мәсулијјәтини һакимијјәт голлары дәрк етсинләр вә әмәли тәдбирләр һәјата кечирсинләр. Биз һәмчинин дүшүнүрүк ки, мүраҹиәтләрин сурәтләрини бејнәлхалг тәшкилатлара тәгдим етмәклә Азәрбајҹан иҹтимаијјәтинин вәзијјәтини әкс етдирәк, нүфузлу шәхсијјәтләрә гаршы һакимијјәтин мүнасибәтини ајдынлашдыраг.
Ән нәһајәт, мән һесаб едирәм ки, әҝәр инсанлар- он минләрлә Азәрбајҹан сечиҹиси М. Сәмәдову, онун президентлијә намизәдлијини ачыг имза илә бу шәкилдә, јасаг вә гадағалар алтында дәстәкләјирсә, демәли, онун намизәдлијинин реаллашаҹағы тәгдирдә ҝизли сәсвермә јолу илә сечиләҹәјинә шүбһә јери галмыр. Биз әһалинин бу мүнасибәтиндән вә мөвгејиндән М. Сәмәдовун вәкили васитәсилә Авропа мәһкәмәсиндә дә истифадә етмәк фикриндәјик.
Диггәт: Хәбәрдән истифадә етдикдә мәнбәјә истинад лазымдыр
