Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Октјабр ајында кечириләҹәк президент сечкиләри илә әлагәдар мүхтәлиф бөлҝәләрдә јашајан вәтәндашлар-зијалы, диндар, мөмин инсанларын Азәрбајҹан Ислам Ојаныш Һәракатынын Лидери, Азәрбајҹан Ислам Партијасынын Сәдри Мөвсүм Сәмәдова етдији мүраҹиәтә пајтахт Бакынын Нәриманов, Хәтаи вә Јсамал рајонундан олан сакинләр дә гошулублар.
Мүраҹиәт мүәллифләри билдирирләр ки, бу ил Азәрбајҹанда кечириләҹәк президент сечкиләринә “Әхлаглы сечки вә әдаләтли һакимијјәт уғрунда һәрәкат” ады алтында гошулан Ислам Партијасынын чағырышыны һамылыгла дәстәкләјирләр: “Бу истәк биздә Азәрбајҹанын истиглалијјәтинин мөһкәмләндирилмәси, никбин ҝәләҹәјинин вә торпагларымызын бүтөвлүјүнүн тәмин олунмасы, милли-мәнәви, дини дәјәрләримизин горунуб сахланмасы, хариҹи гүввәләрин дөвләтимизин дахили ишләринә гарышмагдан кәнарлашдырылмасы, ҹәмијјәтин әдаләтлә идарә едилмәси вә ганунун алилијинин иҹра едилмәси кими вәтәндаш марагларындан ирәли ҝәлир. Сизин малик олдуғунуз хүсусијјәтләр вә инсани дәјәрләр биздә бөјүк үмидләр вә инам јарадыр. Сизә олан етимадымызы нәзәрә алыб тәклифимизи гәбул етмәјинизи хаһиш едирик.”
Индијә кими Һаҹыгабул, Саатлы, Астара, Ләнкәран, Јардымлы, Ҹәлилабад, Биләсувар, Нефтчала, Салјан, Ағстафа, Газах, Ҝәнҹә, Јевлах, Тәртәр, Бәрдә, Уҹар, Губа, Хачмаз вә Шабрандан үмумиликдә 54 минә јахын имза топланыб.
Диггәт: Хәбәрдән истифадә етдикдә мәнбәјә истинад лазымдыр
