Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Ојаныш Һәракатынын Лидери, Азәрбајҹан Ислам Партијасынын Сәдри Доктор Мөвсүм Сәмәдов ики һәфтә бундан өнҹә карсерә салыныб. Бу барәдә вәкил Анар Гасымлы билдириб.
Вәкил гејд едиб ки, мүвәккили илә ҝөрүш үчүн сүни манеәләр јарадылыр: “6-ҹи ҝүн ҝөрүш үчүн 11 сајлы ҹәза чәкмә мүәссисәсинә ҝетмишдим. Ордер вә 6-ҹы ҝүнү олмасыны бәһанә ҝәтирәрәк ҝөрүшә бурахмадылар. Лакин ҝәтирилән бәһанәләрин һамысы гејри-ганунидир.”
Ҝөрүшә бурахылмамасынын сәбәбини Мөвсүм Сәмәдовла бағлы мәлуматларын јајылмасынын гаршысыны алмаг олдуғуну билдирән вәкил, “ ики һәфтә бундан өнҹә Мөвсүм Сәмәдовла телефонла данышаркән о, гејд етди ки, ону јенә дә карсерә салыблар. Бунун сәбәбләри исә һәлә ки, билинмир. Ҝөрүш үчүн сүни манеә јарадылмасынын да сәбәбләри мүәмма олараг галыр. Лакин буна бахмајараг гаршыдан ҝәлән ҝүнләрдә јенә дә ҝөрүш үчүн ҹәһд едәҹәм” , - дејә билдирди.
Диггәт: Хәбәрдән истифадә етдикдә мәнбәјә истинад лазымдыр
