Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Партијасынын Астара рајон тәшкилатынын сәдри Руфулла Ахундзадә сахланылдығы һәбсханада инфаркт кечириб. Бу барәдә онун вәкили Анар Гасымлы исламазери.аз сајтына мәлумат вермишди.
Вәкил билдирмишди ки, мајын 8-дә мүвәккили Р.Ахундзадәјә телефонла данышма һүгугундан јарарланмағына иҹазә верилмәдијинә вә дини филмләрә бахмасына манечилик төрәдилдијинә ҝөрә ҹидди шәкилдә нараһатчылыг кечириб. Онун сөзләринә ҝөрә, Руһулла Ахундзадә мајын 8-дән сонра инфаркт кечириб.
Бу ҝүн нөвбәти дәфә вәкиллә әлагә сахладыг. ФактХебер.ҹом-а ачыглама верән Анар Гасымлы гејд етди ки, Руфулла Ахундзадәнин вәзијјәти һәлә дә ағыр олараг галыр: “Вәзијјәти о дәрәҹәдә писдир ки, мәнимлә ҝөрүшә ҝәлә билмәди. Ҝөрүш үчүн мән палатаја чыхмалы олдум. Һазырда палатанын шәраити онун сәһһәти үчүн мүнасиб дејил. Руфуллаһ Ахундзадә илә бағлы иҹтимаијјәтдә һәјәҹан тәбили чалынмалыдыр. Әкс һалда ону да Вагиф Абдуллајевин талеји ҝөзләјә биләр.”
Вәкил сонда гејд етди ки, јаранмыш вәзијјәтлә бағлы аидијјәт гурумларын һамысына мүраҹиәт едилиб вә ҹаваб ҝөзләјирләр.
Диггәт: Хәбәрдән истифадә етдикдә мәнбәјә истинад лазымдыр
