Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу илин октјабр ајында Азәрбајҹанда кечириләҹәк президент сечкиләри илә әлагәдар мүхтәлиф бөлҝәләрдә вә пајтахтда јашајан вәтәндашлар-зијалы, диндар, мөмин инсанлар Азәрбајҹан Ислам Ојаныш Һәрәкатынын Лидери, Азәрбајҹан Ислам Партијасынын сәдри Мөвсүм Сәмәдова мүраҹиәт үнванлајыблар.
Халгын галдырдығы тәшәббүсә артыг өлкәнин мүхтәлиф бөлҝәләриндән минләрлә имза топланыб. Вәтәндашлар һазырда 11 сајлы ҹәзачәкмә мүәссисәндә ӘСАССЫЗ һәбс мүддәти чәкән Сәмәдовдан президентлијә намизәдлијини ирәли сүрүлмәсини хаһиш едирләр.
Индијә кими Мәркәзи Аран вә Талыш Бөлҝәсиндән үмумиликдә 20 минә јахын имза топланыб.
Бу Бөлҝәләр сырасына Азәрбајҹанын Гәрб Бөлҝәсинин Ағстафа, Газах, Ҝәнҹә, Јевлах, Тәртәр, Бәрдә вә Уҹар рајонларындан олан 21700 нәфәр дә гошулуб.
Вәтәндашлар кечириләҹәк президент сечкиләринә “Әхлаглы сечки вә әдаләтли һакимијјәт уғрунда һәрәкат” ады алтында гошулан Азәрбајҹан Ислам Партијасынын чағырышына һамылыгла гошулдугларыны билдирирләр: “Бу истәк биздә Азәрбајҹанын истиглалијјәтинин мөһкәмләндирилмәси, никбин ҝәләҹәјинин вә торпагларымызын бүтөвлүјүнүн тәмин олунмасы, милли-мәнәви, дини дәјәрләримизин горунуб сахланмасы, хариҹи гүввәләрин дөвләтимизин дахили ишләринә гарышмагдан кәнарлашдырылмасы, ҹәмијјәтин әдаләтлә идарә едилмәси вә ганунун алилијинин иҹра едилмәси кими вәтәндаш марагларындан ирәли ҝәлир. Сизин малик олдуғунуз хүсусијјәтләр вә инсани дәјәрләр биздә бөјүк үмидләр вә инам јарадыр. Сизә олан етимадымызы нәзәрә алыб тәклифимизи гәбул етмәјинизи хаһиш едирик.”
Диггәт: Хәбәрдән истифадә етдикдә мәнбәјә истинад лазымдыр
