Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Тәбриздә һәбс едилән Азәрбајҹан вәтәндашы Халидә Халидин ҹасуслуг миссијасы ифша олунараг јахаланыб.
Әлдә етдијимиз мәлумата ҝөрә Тәбризә ҝөндәрилән Халидә Халид “иргчилик вә ҹасуслуг истигамәтиндәки тәһрикедиҹи фәалијјәтинә ҝөрә һәбс едилиб”.
Гејд едәк ки, Иран Ислам Республикасынын Информасија, Тәһлүкәсизлик вә Кәшфијјат Назирлијинин (ЕТТЕЛААТ) әмәкдашлары тәрәфиндән АМЕА Әдәбијјат Институтунун “елми ишчиси” үнванында танынан Халидә Халид вә Шамхал Һүсејнов апрелин 30-да ҝеҹә саатларында Иран Ислам Республикасында, өз әсл адыны дәјишмиш иргчи түрк фәалы Мәһәммәд (Охтај) Рәшидинин ата евиндә јахаланыблар.
Бундан башга, 4 ИИР вәтәндашы олан пантүркчүләрин һәбсә алындығы билдирилир. Онлар Охтај Рәшидин ата евиндә кечиртдикләри топлантыда һәбс едилибләр. ЕТТЕЛААТ әмәкдашлары пантүркчү фәала мәхсус китаблары, компүтери вә бир сыра часуслуг әшјаларыны да мүсадирә едиб.
Лакин бүтүн бунлара бахмајараг, Иран Ислам Республикасынын Баш Прокурору вә Мәһкәмә Системинин сөзчүсү Гуламһүсејн Мөһсини Әжеји билдириб ки, Тәбриздә һәбс олунмуш ики Азәрбајҹан вәтәндашынын ишинә тез бир заманда бахылаҹаг вә гыса мүддәт әрзиндә мәлумат вериләҹәк.
Диггәт: Хәбәрдән истифадә етдикдә мәнбәјә истинад лазымдыр
