Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән бу илин октјабр ајында кечириләҹәк президент сечкиләри илә әлагәдар Азәрбајҹанын мүхтәлиф бөлҝәләриндә вә пајтахтда јашајан вәтәндашлар-зијалы, диндар, мөмин инсанлар Азәрбајҹан Ислам Ојанышы Лидери, Азәрбајҹан Ислам Партијасынын сәдри Доктор Мөвсүм Сәмәдова мүраҹиәт үнванламаг барәдә тәшәббүс галдырыблар. Мүраҹиәтдә Сәмәдовдан президентлијә намизәдлијини ирәли сүрүлмәси хаһиш олунур.
Белә ки, Астара, Ләнкәран, Јардымлы, Ҹәлилабад, Биләсувар, Нефтчала вә Салјан рајонундан олан 11200 нәфәр аналожи аддыма гошулдугларыны бәјан едибләр.
Гејд олунан рајон сакинләри Мөвсүм Сәмәдова мүраҹиәт едәрәк билдирирләр ки, октјабр ајында кечириләҹәк президент сечкиләринә “Әхлаглы сечки вә әдаләтли һакимијјәт уғрунда һәрәкат” ады алтында гошулан Азәрбајҹан Ислам Партијасынын чағырышына һамылыгла гошулурлар: “Биз, Астара, Ләнкәран, Јардымлы, Ҹәлилабад, Биләсувар, Нефтчала вә Салјан рајонларындан олан зијалы, инанҹлы вә садә вәтәндашлар бу сечкидә АИП-ин сәдри олараг сизи дәстәкләмәк үчүн намизәдлијинизин ирәли сүрүлмәсини истәјирик: “Бу истәк биздә Азәрбајҹанын истиглалијјәтинин мөһкәмләндирилмәси, никбин ҝәләҹәјинин вә торпагларымызын бүтөвлүјүнүн тәмин олунмасы, милли-мәнәви, дини дәјәрләримизин горунуб сахланмасы, хариҹи гүввәләрин дөвләтимизин дахили ишләринә гарышмагдан кәнарлашдырылмасы, ҹәмијјәтин әдаләтлә идарә едилмәси вә ганунун алилијинин иҹра едилмәси кими вәтәндаш марагларындан ирәли ҝәлир. Сизин малик олдуғунуз хүсусијјәтләр вә инсани дәјәрләр биздә бөјүк үмидләр вә инам јарадыр. Сизә олан етимадымызы нәзәрә алыб тәклифимизи гәбул етмәјинизи хаһиш едирик.”
Гејд едәк ки, өтән һәфтә Һаҹыгабул вә Саатлы рајонундан олан иҹтимаијјәт нүмајәндәләринин үмумиликдә 4240 имза топлајараг, М.Сәмәдовдан президентлијә намизәдлијини ирәли сүрүлмәсини хаһиш едибләр.
.jpg)
Диггәт: Хәбәрдән истифадә етдикдә мәнбәјә истинад лазымдыр
