Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Иран Ислам Республикасынын сабиг хариҹи ишләр назири, президентлијинә намизәд Мәнучеһр Мүттәки өлкәнин Шәрги Азәрбајҹан вилајәтинин Мараға шәһәриндә јерли иҹтимаијјәтлә ҝөрүшүб.
Ҝөрүш заманы М. Мүттәки јерли иҹтимаијјәт нүмајәндәләринин Иран Конститусијасынын 15 вә 19-ҹу маддәләри, һәмчинин Дағлыг Гарабағ мүнагишәси илә бағлы суалларыны ҹавабландырыб.
ИИР президентлијинә намизәд Дағлыг Гарабағ мүнагишәсинә мүнасибәт билдирәркән дејиб: "Биз һәр ҹүр тәҹавүзә гаршыјыг. Азәрбајҹан халгы ҝәрәк өзү бу мүнагишәни һәлл етсин. Гарабағ мүһарибәси заманы Иран Ислам Республикасына пәнаһ ҝәтирән азәрбајҹанлылар үчүн Әрдәбил шәһәриндә дүшәрҝәләр гурулмушду. Биз Ермәнистанын Азәрбајҹанын торпагларынын 20 фаизини ишғал етмәсини писләјирик. Бу ишғал нәтиҹәсиндә 12 миндән чох азәрбајҹанлы шәһид олуб, 1 милјондан инсан јурд-јуваларындан дидәрҝин дүшүб. ИИР БМТ Тәһлүкәсизлик Шурасынын Ермәнистанын Азәрбајҹана гаршы тәҹавүзкарлыг сијасәтини писләјән гәтнамәләринә гошулуб".
Диггәт: Хәбәрдән истифадә етдикдә мәнбәјә истинад лазымдыр
