Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Дүнја Мүсәлманларынын Али Мәгамлы Рәһбәри Ајәтуллаһ Хаменеинин бејнәлхалг ишләр үзрә мүшавири, Ислам Ојанышы Ассамблејасынын баш катиби Әли Әкбәр Вилајәти Үләмалар вә Ислам Ојанышы Конфрансы һашијәсиндә мүхтәлиф өлкәләрдән олан илаһијјатчы алимләри гәбул едиб, онларла факир мүбадиләси апарыб.
Конфранса Азәрбајҹан Республикасындан да илаһијјатчы алимләр гатылыб. Ассамблејанын баш катиби Әли Әкбәр Вилајәти Нур Нәшријјат евинин тәсисчи вә директору, илаһијјатчы Исҝәндәр Һүсејнзадәни дә гәбул едиб.
Ҝөрүшдә дүнјада, реҝионда вә Азәрбајҹан Республикасындакы иҹтимаи-сијаси вәзијјәт, дини ҹамеәнин проблемләри мүзакирә едилиб. Илаһијјатчы Исҝәндәр Һүсејнзадә баш катиби өлкәдәки реал дурум, дини сферадакы гадағалар, һәбсдә олан танынмыш руһаниләр вә дини фәаллар барәдә мәлуматландырыб. Ҝөрүшдә Ислам Ојанышы просесинин глобал бир просес олдуғуну вурғулајан Вилајәти реҝионда мүсәлман халгларын растлашдығы чәтинликләрин тәбии олдуғуну вә заман кечдикҹә өз һәллини тапаҹағыны билдириб.
Нур Нәшријјат евинин тәсисчи вә директору Исҝәндәр Һүсејнзадә Ассамблејанын баш катиби Әли Әкбәр Вилајәтијә дүнја вә Азәрбајҹан мүсәлманларына ҝөстәрилән диггәтә ҝөрә тәшәккүрүнү билдириб, хүсусилә һиҹаб мәһбусларынын, дини зәминдә һәбс едилән инсанларын азадлыға бурахылмасы үчүн конкрет аддымлар атылмасыны хаһиш едиб.
Диггәт: Хәбәрдән истифадә етдикдә мәнбәјә истинад лазымдыр
