Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Мјанмада бүтпәрәстләрин Мүсәлманлара гаршы төрәтдикләри ҹинајәтләр давам едир. Белә ки, бүтпәрәстләр нөвбәти агрессив планлары һәјата кечирәрәк, Мүсәлманларын јашајыш мәнзиллләрини вә Мәсҹидләри јандырараг јарарсыз һала ҝәтирибләр.
Мјанманын Јанҝун әјаләтинин 110 км Шималында јерләшән Укан мәнтәгәсиндә гејдә алынмыш ҹинајәт актлары, Укан шәһәриндә вә һәмчинин шәһәрин бир нечә кәндләриндә баш вериб. Бүтпәрәстләр, ики Мәсҹиди јандырараг, јүзләрлә јашајыш евләринә әтәш вурублар. Јанғын заманы бир нәфәр јанараг шәһид вә 9 нәфәр исә ағыр дәрәҹәли јаралар алмышдыр.
Ҝеҹәнин јарысында шәһәр вә кәндләрә јүрүш чәкмиш азғын бүтпәрәстләр, ев вә Мәсҹидләри јандырмагла јанашы, ҹамаатын шәхси мүлкләрини дә гарәт едәрәк сојғунчулуг төрәдибләр.
Гејд едәк ки, бүтпәрәстләр, илк өнҹә Михтила шәһәринә һүҹум чәкәрәк орада 43 Мүсәлманы гәтлә јетириб даһа сонра Укан шәһәри дахил олмагла, шәһәрин бир нечә кәндләринә гејд олунан ганлы јүрүшү тәшкил едибләр.
Хатырладаг ки, 1982-ҹи илдән бәри, Мјанма дөвләти өлкәдә мин илләр боју јашајан Руһинҝа Мүсәлманларыны вәтәндашлыгдан мәһрум едәрәк, онлара шәхсијјәт вәсигәси вермәкдән бојун гачырыр. Јахын илләрдә, Мјанма һөкүмәтинин шура мәҹлисиндә “аз сајлы халглара вәтәндашлыг вермәк”лә әлагәдар јенидән иҹлас кечирилир. Рәсми Иҹласда 130 азсајлы халглара вәтәндашлыг һүгугу верилдији һалда јеҝанә 800 миндән ибарәт олан Руһинҝа Мүсәлманларына гаршы ајрысечкилик төрәдәрәк, онлара вәтәндашлығын верилмәси гадаған едилир...
Диггәт: Хәбәрдән истифадә етдикдә мәнбәјә истинад лазымдыр
