Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Ојанышы Һәракатынын Лидери, Азәрбајҹан Ислам Партијасынын Сәдри Доктор Мөвсүм Сәмәдовун сәһһәтиндә јенидән проблем јараныб.
Доктор Мөвсүм Сәмәдовун ханымы Меһпарә Сәмәдова, апрелин 26-да 11 сајлы Ҹәзачәкмә Мүәссисәсиндә Мөвсүм Сәмәдовла ҝөрүшдүкдән сонра билдириб: “Бу илин јанвар ајында сәһһәтиндә проблемләр јарандығы үчүн јолдашымы мүалиҹә мүәссисәсинә ҝөндәрдиләр. Онун ҹидди мүалиҹәјә еһтијаҹы варды. Амма 28 ҝүндән артыг сахламадыглары үчүн мүалиҹәси јарымчыг галды. Она ҝөрә дә бөјрәкләриндә јенидән проблем баш галдырыб”.
Меһпарә Сәмәдова даһа сонра билдириб ки, сон вахтлар Мөвсүм Сәмәдовун јанына ҝедән журналист Рамин Бајрамов вә партија үзвләринә онунла ҝөрүшмәк иҹазәси вермәјибләр: “Гәзет проблеми дә һәлл олунмајыб. Она һеч бир гәзет верилмир”.
Мөвсүм Сәмәдов 2011-ҹи илин јанварын 2-синдә, Азәрбајҹан Ислам Партијасынын иҹласында, мөвҹуд әлијевләр режиминин ганунсузлуғуну кәскин мәһкум едәрәк, јанвар ајынын 8-дә режимин јол полиси тәрәфиндән гондарма иттиһамларла мүвәггәти һәбс едиләрәк даһа сонра нөвбәти гондарма иттиһамлар ШӘРЛӘНӘРӘК 12 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
