Әһли Бејт -АБНА- хәбәр аҝентлијинин вердији хәбәрә әсасән бәзи һәдисләрә ҝөрә милади тарихинин апрел ајынын 5-нә тәсадүф едән һиҹри гәмәри тарихинин “Ҹәмадиул Сани” ајынын 14-ү Әһли Бејт ашиги, Кәрбәла Гәһрәманы Һәзрәти Әббасын анасы, Имам Һәсән, Имам Һүсејн вә Ханым Зејнәбин лајигли нөкәри, әзиз Ислам Пејғәнбәрин гызы Фатимәи Зәһранын (сәламуллаһи әлејһа) јардымчысы, Үммүл Бәнин (әлејһа сәлам) һәзрәтләринин шәһид олан ҝүнүдүр.
Биз АБНА олараг бү мүсүбәти башда Имам Заман (Аллаһ онун зүһурун тезләшдирсин) һәзрәтләринә, онун һагг наиби Имам Хаменеијә вә һәмчинин бүтүн бәшәријјәтә дәрин һүзүнлә баш сағлығы веририк. Вә Үммүл Бәнинин (сәламуллаһи әлејһа) һәјаты илә бағлы зијарәтчиләримизә гыса анлајыш тәгдим едирик:
Әмирәл Мөминин Әлинин (әлејһис сәлам) Үммүл Бәнинлә (әлејһа сәлам) издиваҹы
Имам Әли (әлејһис сәлам) ҹәнаблары Ханым Фатимәји Зәһра (сәламуллаһии әлејһа) атасынын шәһадәтиндән сонра, ҹәми 95 ҝүн фани дүнјада јашаја билди. Дүнја вә Ахирәт сарајы гадынларынын сәрвәри олан Һәзрәти Фатимә (сәламуллаһи әлејһа) нәһајәт, Имамәт вә Хилафәт мәгамынын гәсибкарлары олан, Әбу Бәкр, Өмәр, гуламы Гонфоз вә һәмкәрлары Муғејрә (Аллаһ онлары өз рәһмәт сајәсиндән узаг етсин) тәрәфиндән вәһшиҹәсинә олунан һүҹумлара мәруз галараг, Имам Әли илә бирҝә евләринә сығынырлар. Буну ҝөрән Әбу Бәкр, Өмәр вә бир дәстә һәмкарлары, онларын евләринә јүрүш едиб, Имамын евинә од вуруб јандырырлар. Өмәр билдикдә ки, Ислам Пејғәмбәринин гызы, Ханым Фатимәји Зәһра (сәламуллаһи әлејһа) гапынын архасында дајаныб, вар ҝүҹү илә, тәпик вурараг гапыны сындырыр. Нәтиҹәдә Ханым Фатимәји Зәһра (сәалмуллаһи әлејһа) гапы илә дивар арасында галараг, сынмыш гапынын ири мисмарлары Ханымын мүбарәк синәсинә батыр, габырғалары сыныр вә бәтниндәки Мөһсүн (сәламуллаһи әлејһ) адлы алты ајлыг ушағы сигт олуб јерә дүшүр.
Пејғәмбәр (сәлләлаһу әлејһи вә алиһ) бир ҝүн хүтбә едиб гуртарандан сонра Имам Әлијә (әлејһис сәлам) үзүнү тутур вә бујурур: “Тезликлә Гурејш сизә гаршы ајаға галхаҹаг. Сизә зүлм едәҹәк. Сизә зүлм едәрәк, сизин һаггынызы тапдајараг, өз вәһдәтләринә наил олаҹаглар. Исламын бәласы бурададыр. Мүсәлманлар өз әсл дәрдләрини бурада ҝөрмәлидирләр. О вахт ки, тајфа вә с. бунун кими мәсәләләр мејдана чыхды вә Ислам јаддан чыхды, мүсәлманчылыг јаддан чыхды, о заман онлар һаггы кәнара гојуб, бирләшә биләрләр. Мүбаризә әһли олан достлар тапсан, онларла ҹиһад ет, тапмасан әлини сахла, мәгамыны гору. Амма ону бил ки, шәһадәт сәнин ардынҹа ҝәлир. Аллаһ-Тәала сәнин гатилинә ләнәт етсин”.
Пејғәмбәр (сәлләлаһу әлејһи вә алиһ) бу сөзү гуртарандан сонра үзүнү тутур гызына тәрәф. Ханым Фатимәјә (сәламуллаһи әлејһа) сөзүнү дејир: “Сән Әһли-Бејтимдән (әлејһимус сәлам) биринҹи шәхсән ки, мәнә говушаҹагсан. Вә сән Беһишт әһлинин ханымларынын сәрвәрисән, башчысысан. Тезликлә мәндән сонра сәнә гаршы зүлм олаҹаг. Иш о јерә чатаҹаг ки, сәни вураҹаглар, сәнин габырғаны сындыраҹаглар. Аллаһ-Тәала сәнин дә гатилинә ләнәт етсин”.
Бу барәдә Ханым бујурур: “Ләнәтлик Гонфоз евимә (Өмәр вә Әбу Бәкр тәрәфиндән) ҝөндәриләндән сонра, Имам Әлини (әлејһис сәлам) ҝүҹлә (Хилафәти гәсб етмиш Әбу Бәкрә) бејәт етмәјә апармаг истәјирдиләр. Әли (әлејһис сәлам) дә Рәсуләллаһын (сәлләллаһу әлејһи вә алиһ) вәсијјәтини јеринә јетирәрәк, Гуранын тәлифи илә мәшғул иди, онларла чөлә чыхмырды. Бунлар бир мигдар одун ҝөтүрәрәк, евин габағында јандырмаға башладылар. Онлар евә од вурмаг истәјирдиләр. Гапынын архасында дајаныб онлары Аллаһа вә атам Пејғәмбәрин (сәлләлаһу әлејһи вә алиһ) һаггына анд вердим. Амма онлар бу ишдән әл чәкмәдиләр: “Бир кәс дә тапылмады ки, бизләрә көмәк етсин...”.
Һәзрәти Мөһсүн (әлејһис сәлам) дүнјаја ҝәлмәдән, шәһид олду. Мөһсүн (әлејһис сәлам) ҹәнаблары Имамәт Мәгамы уғрунда илк шәһиди олараг, тарихә јазылды.
Ханым Фатимә (сәламуллаһи әлејһа) гапы архасында галандан вә ушағы сигт оландан сонра јатаға дүшдү вә нәтиҹәдә шәһадәтә јетди. О, дүнјасыны дәјишмәдән өнҹә белә вәсијјәт етди: “Бу ишдә иштирак едәнләрин ләјагәти јохдур ки, мәним дәфнимдә иштирак етсинләр. Онлар баҹардыгларыны етдиләр. Мән истәмирәм ки, онлар мән дәфн олан заман, атама говушан заман орада иштирак етсинләр”. Имам Әли (әлејһис сәлам) Ханымын (сәламуллаһи әлејһа) бу вәсијјәтини чох бөјүк дәгигликлә вә шүҹаәтлә, чох аз сајда Әһли-Бејтин (әлејһимус сәлам) һәгиги ашигләринин иштиракы илә, јаваш-јаваш бу иши һәјата кечиртди. Бу ҝүн Ханымын гәбринин һарада олдуғу билинмир...
Матәм битиб гуртардыгдан сонра, Имам Әли (әејһис сәлам) әрәб тајфаларына ашналығы олан гардашы Әгил ибни Әбу талиби (әлејһимәс сәлам) јанына чағырыб, ондан шүҹаәтли тајфадан, Кәрбала шөлүндә Имам Һүсејнә көмәкчи олан оғлан ушағы дүнјаја ҝәтирә билән бир ләјагәтли ханым тапыб онунла евләнмәк истәдијини билдирди.
Әгил, шүҹаәтликдә ад чыхартмыш әни Килаб тајфасындан олан Фатимә Килабијјә бинти Һизамдыр Һәзрәт Әли үчүн елчилик етди...
Үммүл Бәнин (сәламуллаһи әлејһа), Ләјагәтли Аналыг
Үммүл Бәнин (сәламуллаһи әлејһа), Имам Әлинин евинә ҝәлдији ҝүндән даим чалышырды ки, Ислам Пејғәмбәринин накам гызы Һәзрәти Фатимәнин балалары үчүн јахшы аналыг олсун вә баҹардыгҹа синәләринә Ана Дағы дәјмиш аз јашлы Зејнәб, Һәсән вә Һүсејнә (әлејһимус сәлам) Ана мәһәббәтини әта едә билсин.
Үммүл Бәнинин (сәламуллаһи әлејһа) әсл ады Фатимә Килабијјә бинти Һизамдыр. О, өзү Имам Әлијә, мәни адымла чағырма, Үммүл Бәнин (јәни ушагларын анасы) ады илә чағыр дејәрәк мүраҹиәт етди...
Үммүл Бәнин (сәламуллаһи әлејһа), Ханым Зәһранын балаларыны даим өз доғма балалрындан (о, Кәрбәла Гәһрәманы, Һәзрәти Әбулфәзлил Әббасын анасыдыр) үстүн тутмуш вә ана севҝисини онлара даһа да чох әсирҝәмишдир...
Дејилир ки, Үммүл Бәнин (сәламуллаһи әлејһа) Иамм Әли ил евләндији ҝүн Һүсејн (әлејһис сәлам) бәр к хәстә олур. Үммүл Бәнин (сәламуллаһи әлејһа) Һәзрәтин евинә дахил олан кими һадисәдән хәбәр тутдугда, һәлә ҝәлинлик палтарыны әјниндән чыхартмамыш, Имам Һүсејнин (әлејһис сәлам) чарпајысына тәрәф јүрүјәрәк она хидмәт ҝөстәрмәјә башлајыр...
Әһли-Бејт (әлејһис сәлам) вә Үммүл Бәнин (сәламуллаһи әлејһа)
Тарих јазыр: Үммүл Бәнин (сәламуллаһи әлејһа) Әһли-Бејтин (әлејһис сәлам) һаггыны таныјан, онлара мәһәббәт бәсләјән, чох фәзиләтли вә арифә бир гадын иди. Кәрбала һадисәсиндән сонра Әһли-Бејтин (әлејһис сәлам) Шама сүрҝүн едилиб орадан да, Мәдинәјә гајтарылдыгда, өзүнү Ханыб Зејнәбин евинә чатдырараг, доғма оғлу Әббасы сорушмадан илк Ханым Зејнәбин Кәрбалада шәһид олмуш дөрд баласыны она тәслијјәт верди...
Үммүл Бәнинин (сәламуллаһи әлејһа) дүнјаја ҝәтирдији өвладлар
Үммүл Бәнин (сәламуллаһи әлејһа) Имам Әлидән дөрд оғлан өвлады дүнјаја ҝәтириб: 1- Әбүлфәзлил Әббас. 2- Әбдуллаһ. 3- Ҹәфәр. 4- Осман (әлејһимус сәлам).
Онун дөрд оғлунун дөрдү дә Кәрбәла һадисәсиндә, Имам Һүсејнин ҝөзү өнүндә Ислам Дүшмәнләри илә шүҹаәтлә дөјүшәрәк уҹа Шәһидлик зирвәсинә чатмаға наил олмушлар...
Әһли-Бејтин (әлејһис сәлам) Шама сүрҝүн едилиб орадан да, Мәдинәјә гајтарылдыгда, Имам Зејнул Абидин (әлејһис сәлам) карваны Мәдинәнин ҝирәҹәјиндә сахладараг, Бәшири Мәдинәјә јоллајараг, ҹамаата Кәрбәла һадисәсини хәбәр вериб, Алуллаһ олан Әһли-Бејтин (әлејһис сәлам) Кәрбәла Күфә вә Шамдабашларына ҝәләнләри чадырсын. Бәшир Мәдинәјә дахил олдугда Үммүл Бәнин (сәламуллаһи әлејһа) онунла растлашыр вә ондан сорушур: Имам Һүсејндән (әлејһис сәлам) һансы хәбәр вар?
Бәшир: Еј Үммүл Бәнин! Аллаһ сәнә сәбр версин. Оғлун Әббас шәһид едилди...
Үммүл Бәнин(сәламуллаһи әлејһа): Һүсјнимдән (сәламуллаһи әлејһ) мәнә хәбәр вер... Бу минванла Бәшир бир-бир онун оғланларынын шәһид олдуглары хәбәрини она чатдырды. Лакин Үммүл Бәнин(сәламуллаһи әлејһа) јалныз вә јалныз Имам Һүсејни (әлејһис сәлам) ондан хәбәр алыр вә “оғланларым, бүтүн ҝөјләрдә вә јердә оланларын һаммысы Һүсејнимә фәда олсун” дејә Бәширдән сорушурду...
Елә ки, Бәшир она Имам Һүсејнин шәһадәт хәбәрини верди, Үммүл Бәнин(сәламуллаһи әлејһа) налә чәкәрәк деди: Еј Бәшир, гәлбими параладын!..
Мамәгани дејир: “Һеч бир јердә охшары олмајан дөрд ҹаван баласынын Имамын мүдафиәси үчүн шәһид олдугларыны өзүнә јүнҝүл сајмаг, амма Имамын шәһадәт хәбәринә дөзмәјиб налә чәкмәклик вә Әһли Бејтә ола
