Әһли Бејт (әлејһимус сәлам) -АБНА- Хәбәр Аҝентлији- Имам Садигдән (ә) нәгл олунуб ки, Аллаһ јанында Фатимәнин доггуз ады вардыр: «Фатимә, Сиддигә, Мүбарәкә, Таһирә, Зәкијјә, Разијјә, Рәзијјә, Муһәддәсә, Зәһра.»
Имам Рза (ә)-дан нәгл олунуб ки, Аллаһ-тәала ону Фатимә адландырды. Бәли, илаһи инсанларын бүтүн шәни, һәтта адлары да илаһидир. Неҹә ки, һәзрәт Мәһәммәд (с), һәзрәт Јәһја (с), һәзрәт Мәсиһин (с) адлары Аллаһ тәрәфиндән бујурулду. Рәвајәтләрдә һәзрәт Фатимә (ә) үчүн башга адлар да нәгл олунмушдур. О ҹүмләдән Бәтул, Һисан, Һүррә, Сәјјидә, Үзра, Һура, Үнсијјә, Мәрјәм, Күбра, Сәмавијјә, Үммүл Һүсејн, Үммүл Мөһсин вә с. Ән ҝөзәли исә, Фатимә «Үммүл-фәзаил»дир.
Нә үчүн Фатимә адланыб?
Бунун сәбәби мүхтәлиф ҹүр изаһ едилиб. Имам Садигә (ә) ҝөрә, халг ону танымагда аҹиз олдуғу үчүн Фатимә адланыб.
Әли (ә) һәзрәт Пејғәмбәрдән нәгл едир ки, Фатимәнин белә адланмасынын сәбәби онун вә өвладларынын тәкаллаһчы олмасы, мәнә назил олана иман ҝәтирмәсинә ҝөрә оддан аманда галмасыдыр.
Јенә о һәзрәтдән нәгл олунур: «Гызым она ҝөрә Фатимә адланыб ки, Аллаһ ону вә ону севәнләри атәшдән ајырыб».
Имам Садигдән (ә) нәгл олунур ки, бунун бир сәбәби онун шәрдән ајрылмасыдыр. «Зәһра севәнләр мүвәһһид олсалар, Ҹәһәннәм әзабындан амандадырлар» тәбири Зәһранын шәфаәт мәгамына ишарәдир. Бу шәфаәт она шәраит јараданлара шамилдир.
Нә үчүн «Таһирә» адланыб?
Имам Багирдән (ә) рәвајәт олунуб ки, Фатимәни Таһирә дә адландырыблар. Чүнки о, бүтүн нөгсан вә чиркинликләрдән узаг иди. Фатимә (ә) һеч заман һејз вә нифас ганы ҝөрмәмишди.
Нә үчүн «Мүһәддәсә» адланыб?
Фатимә Мүһәддәсә дә адланмышдыр. Чүнки мәләкләр Мәрјәмә (с) назил олдуглары кими Фатимәјә дә назил олуб, онунла данышмышлар.
Нә үчүн «Бәтул» адланыб?
Фатимә (ә) охшарсыз олдуғу үчүн «Бәтул» да адландырылыб. Бу онун мүбарәк вә мәна долу адларындандыр.
Гызларымыза Зәһранын (ә) адларыны гојаг. Зәһранын адларыны дашыјан гызларла кобудлуг етмәк, онлары сыхынтыја салмаг олмаз. Бу Фатимә илә ејни адда олмағын бәрәкәтидир.
Исламда нүмунәви гадынлар – Фатимә (ә)
Һәбибуллаһ Әһмәди
Диггәт: Хәбәрдән истифадә етдикдә мәнбәјә истинад лазымдыр
