Әһли Бејт (әлејһимус сәлам) -АБНА- Хәбәр Аҝентлији, Дүнја Шиәләринин Али Тәглид Мәрҹәләриндән бири олан Ајәтуллаһ Узма Сејјид Әләви Гургани ҹәнабларындан, Һәзрәти Ханым Фатимәји Зәһра (сәлмуллаһи әлејһа) һаггында ексклүзив мүсаһибә алыб.
Мүсаһибәни сајтымызын изләјиҹиләринә тәгдим едирик:
АБНА: Бизим үчүн вахт ајырдығыныза ҝөрә өз тәшәккүрүмүзү билдиририк. Илк суал олараг Һәзрәти Фатимәнин (сәламуллаһи әлејһа) шәхсијјәти һаггда нә дејә биләрсиз?
Ајәтуллаһ Әләви Гургани:
بسم الله الرحمن الرحيم الحمد لله، والصلاة و السلام علي رسول الله وعلي آله آل الله، و اللعن الدائم علي اعدائهم اعداء الله
Һәр бир шәхси вә ја мүәјјән бир шеји тәриф едиб танытдырмаг үчүн, ҝәрәк танытдыранын өзү танытдыраҹағы шәхсдән үстүн олмалыдыр. Бу фәлсәфә вә мәнтигдә гәбул олунан гајдалардан биридир. Демәли нәтиҹә етибары илә, биз, әзиз Ислам Пејғәмбәрини (сәлләлаһу әлејһи вә алиһ), Ханым Фатимәји Зәһраны (сәламуллаһи әлејһа) вә Мәсум Имамлары (әлејһимус сәлам) олдуглары кими дәрк едә билмәрик. Ислам Пејғәмбәри (сәлләлаһу әлејһи вә алиһ) бујурур:
"يا علي! ما عرف اللّه حق معرفته غيري و غيرک و ما عرفک حق معرفتک غير اللّه و غيري."
Еј Әли! Аллаһы (ҹәллә ҹәлалуһ) олдуғу кими, Мән вә Сәндән башга һеш ким таныја билмәди вә сәни дә Аллаһ (ҹәллә ҹәлалуһ) вә Мәндән башга һеч ким таныја билмәјиб.
(Мәнагиб ибни Шәһри Ашуб: Ҹилд 3. Сәһифә 268)
Башга бир јердә исә бујурур:
«يا علي! لايعرف اللّه تعالي الا انا و انت و لايعرفني الا اللّه و انت و لا يعرفک الا اللّه و انا
Еј Әли! Аллаһы (ҹәллә ҹәлалуһ) Мән вә Сәндән баш һеч ким (олдуғу кими) танымыр, Һеч кимдә Аллаһ (ҹәллә ҹәлалуһ) вә Сәндән башга Мәни (олдуғу кими) танымыр вә һеч ким дә Сәни, Аллаһдан (ҹәллә ҹәлалуһ) вә Мәндән башга (олдуғу кими) танымыр.
(Рөвзәтүл Мүттәгин: Ҹилд 13. Сәһифә 273)
Әзиз Ислам Пејғәмбәринин (сәлләлаһу әлејһи вә алиһ) бујурдуглары бир фактдыр вә һәгигәти бизә ачыглајыр. Бурада Пејғәмбәр бујурурларки, әҝәр Мәсумлары кимсә танымаг истәјирсә, мүтләг өзүдә онлар кими Мәсум олмалыдыр. Гејри сүрәтдә, ҝәрк ки, Мәсумун өзү, өзүнү бизләрә танытдырмалыдыр.
Демәли биз ҝәрәк, Һәзрәти Фатимә (сәламуллаһи әлејһа) барәсиндә Аллаһын (ҹәллә ҹәлалуһ) өзүндән, Ислам Пејғәмбәриндән (сәлләлаһу әлејһи вә алиһ), Мәсум Имамларымыздан (әлејһимус сәлам) сорушаг...
АБНА: Аллаһ (ҹәллә ҹәлалуһ) вә Ислам Пејғәмбәри (сәлләлаһу әлејһи вә алиһ) Һәзрәти Фатимә (сәалмуллаһи әлејһа) барәсиндә нә бујурурлар?
Ајәтуллаһ Әләви Гургани: Биз, Аллаһ (ҹәллә ҹәлалуһ) вә Ислам Пејғәмбәринин (сәлләлаһу әлејһи вә алиһ) Һәзрәти Фатимә (сәламуллаһи әлејһа) барәсиндә бујурдугларына диггәт етдикдә ҝөрүрүк ки, Аллаһ Тәала, аләмләрдә хәлг етдикләрини даирәјә бәнзәдәрәк, Ханым Зәһраны (сәламуллаһи әлејһа) бу даирәнин мәркәзи нөгтәси гәрар вериб. Мәсәлән биз Һәдиси Кәсаја диггәт јетирдикдә ҝөрүрүк ки, Һәзрәти Ҹәбраил (әлејһис сәлам) Аллаһдан сорушдугда: “Аллаһым, Кәса (Әба) алтында оланлар кимләрдир?” Аллаһ Тәала ҹаваб олараг бујурмурлар ки, “онлар Пејғәмбәр вә онун өвладларыдыр”, әксинә Аллаһ (ҹәллә ҹәлалуһ) белә бујурур: “Онлар Фатимә, онун Атасы, Әри вә ушагларыдыр” јәни һәмин, Ханым Зәһраны (сәламуллаһи әлејһа) јарадылыш даирәсинин мәркәзи нөгтәси гәрар вермәклик. Аллаһ (ҹәллә ҹәлалуһ), Ханым Зәһранын (сәламуллаһи әлејһа) вүҹудуну Атасы, Әри вә өвладларынын танынмасы үчүн мәркз нөгтәси гәрар вериб. Бунунла да мәлум олур ки, Ханым Фатимә (сәламуллаһи әлејһа) Нүбуввәт вә Вилајәт мәгамларынын әсас вә һәгиги мәркәзидир...
Ислам Пејғәмбәри (сәлләлаһу әлејһи вә алиһ) Ханым Зәһарны (сәламуллаһи әлејһа) “Умми Әбиһа” (Атасынын Анасы) дејә чағырарды. Бир чохлары бу адын ачыгламасында илишиб галыблар... Бу гәдәр илишиклијә дәјмәз. Она ҝөрә ки, бу сөзүн мәнасы Ханымын Нүбуввәт вә Вилајәт мәгамынын мәркәзијјәти олмасы демәкдир. Кәса Һәдисиндә дә “Онлар Фатимә, онун Атасы...” дедикдә, јәни әҝәр Ханым Фатимә (сәламуллаһи әлејһа) олмаса, Ислам Пејғәмбәринин Ана вә Мәркәз нөгтәси дә олмајаҹаг- нәзәрдә тутулур...
Ханым Зәһраны (сәламуллаһи әлејһа) танымаг үчүн Ислам Пејғәмбәринин (сәлләлаһу әлејһи вә алиһ) она олан мәһәббәти вә она ҝөстәрдији һејрәтләндириҹи еһтирамыдыр. Биз ҝөрмүшүк ки, һәмишә ашағы мәгамда олан өзүндән үстүнүн әлиндән өпәр. Амма Һәзәрти Пејғәмбәр (сәлләлаһу әлејһи вә алиһ) бәзи вахтлар Ханым Зәһранын (сәламуллаһи әлејһа) әлләриндән өпәрди. Бәзи ривајәтләрдә дејилир ки, Пејғмбәр һәр заман Ханым Зәһранын (сәламуллаһи әлејһа) јанына ҝәлдикдә, ханым ајаға галхар вә Пејғәмбәрин (сәлләлаһу әлејһи вә алиһ) әлләриндән өпәрди. Һәмчинин һәр вахт Ханым Зәһра (сәламуллаһи әлејһа) Пејғәмбәрин һүзуруна јетишдикдә, Ислам Пејғәмбәри (сәлләлаһу әлејһи вә алиһ) онун үчүн ајаға галхар вә ону өз јериндә әјләшдирәрәк, әлләриндән өпәрди.
Доғрудан да, әҝәр бу Ханымын мәгамы үстүн олмаса иди, бөјүк әзәмәт саһиби олан Ислам Пејғәмбәри, онун үчүн ајаға галхыб, әлләриндән өпәрдими?..
Ханым Зәһранын (сәламуллаһи әлејһа) әзәмәтини чатдыран башга бир әһвәлат, Ханымын тәвәллүд һадисәсидир... Бир чох ағалар Көвсәр сүрәсинин тәфсириндә, “Көвсәр” сөзүнү “Чохлу Хејр” мәнасында тәрҹүмә едирләр... Мәним нәзәримҹә бүтүн бу дејиләнләр доғрудур, һеч бир ирады да јохдур, лакин мүмкүндүр ки, “Көвсәр” сөзү үчүн башга бир тәфсир дә олсун... Белә ки, Пејғәмбәр ҹәнаблары “Әбтәһ” адлы бир јердә өз сәһабәләри илә әјләшмишдир. Һәзрәти Ҹәбраил Әмин (әлејһис сәлам) назил олду вә Пејғәмбәр (сәлләлаһу әлејһи вә алиһ) ҹәнабларына 40 ҝүн ибадәтлә мәшғул олараг, Ханым Хәдиҹәнин (сәламуллаһи әлејһа) јанына ҝетмәмәји әмр етди. Пејғәмбәр 40 ҝүн “Умму Һанинин” евиндә галды, 40-ҹы ҝүн, Пејғәмбәр (сәлләлаһу әлејһи вә алиһ) үчүн беһишт мејвәләриндән Хурма, Үзүм вә Көвсәр сују тәам олараг ҝәтиздирилди. Пејғәмбәр бу немәтләрдән једикдән сонра Ханым Хәдиҹәнин (сәламуллаһи әлејһа) јанына ҝетди вә һәмин ҝеҹә Фатимә (сәламуллаһи әлејһа) Ханымын нүтфәси ана бәтнинә дүшдү. Ханым Зәһранын (сәламуллаһи әлејһа) адларындан бири дә “Көвсәр”дир. Еһтимал олунур ки, Ханыма бу адын гојулма сәбәби онун нүтфәсиндә, беһиштдән ҝәтиздирилмиш Көвсәр сујунун мөвҹуд олмасыдыр. Вә Аллаһ Таала бујурдугда ки, “Биз Сәнә Көвсәр бәхш етдик...” (Көвсәр сүрәси, ајә 1) јәни “Еј Рәсулум! Биз Сәнә Көвсәр сујундан јаранмыш Фатимәни бәхш етдик”.
Мән һәдисләри ахтармышам, лалкин Пејғәмбәр(сәлләлаһу әлејһи вә алиһ), Имам Әли (әлејһис сәлам) вә диҝәр Мәсум имамлар (әлејһимус сәлам) һаггында белә бир рәвајәтин олмасына раст ҝәлмәмишәм...
Имам Һәсән Әскәри (әлејһис сәлам) бујурлар: “نحنُ حُجَجُ اللّهِ عَلى خَلقِهِ وَ فاطمةُ حُجةٌ عَليَنا” “Биз, Аллаһын мәхлуглары үчүн нүмунәјик. Фатимә (сәламуллаһи әлејһа) да бизим үчүн нүмунәдир.”
(Тәфсир Әтјәбул Бәјан, 13-ҹү ҹилд, 236 сәһифә)
Демәли ҝөрүрүк ки, Ханым Фатимә (сәламуллаһи әлејһа), бөјүк мәгамлы инсанлар үчүн бир нүмунәдир.
АБНА: Бәзиләр белә бир суал едә биләр ки, Һәзрәти Зәһра (сәламуллаһи әлејһа) 1400 ил бундан габағ јашамыш бир гадындыр, ҝөрәсән мүасир дөвран үчүн нүмунә ола биләрми?
Ајәтуллаһ Әләви Гургани: Бурада сөјләдијим рәвајәтләрдән вә сөјләмәдијим лакин мөвҹуд олан рәвајәтләрә әсасән, мәлум олур ки, Һәзрәти Фатимә (сәламуллаһи әлејһа) һәмишә јарадылыш аләминин мәркәз нөгтәси олуб... һәтта бәзи рәвајәтләрдә, Ханым Зәһра (сәламуллаһи әлејһа) мадди аләмдә јарадылмамышдан өнҹә дә јарадылыш аләминин мәркәз нөгтәси олмасы ајдын дејилир. Бүтүн бу һәдисләрә әсасән, мәлум олур ки, Ханым Фатимә (сәламуллаһи әлејһа), гијамәт ҝүнүнәҹән јарадылыш аләминин мәркәз нөгтәси олараг галаҹаг вә бүтүн инсанлар үчүн әбәди бир нүмунәдир.
АБНА: Бурада башг
