Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ислам Дүнјасынын Бөјүк Алимләриндән бири олан, Мәрһум Ајәтуллаһ Доктор Шејх Әбдүл Һади әл-Фәзли ҹәнабларынын хәтм мәрасими кечирилиб.
Иран Ислам Республикасынын Гум әјаләтиндә, Мәсумә (сәламуллаһи әлејһа) Ханымын һәрәминдәки Әзәм Мәсҹидиндә, Шам вә Хофтән намазларындан сонра биләфаасилә кечирилән мәрасимдә, дүнјанын бир чох јерләриндән ҝәлмиш гонаглар иштирак етмишдир.
Мәрасимдә, Иран Ислам Республикасынын Ислам Шурасы Мәҹлисинин Спикери ҹәнаб Әли Лариҹани, Ајәтуллаһ Тәсхири, Ајәтуллаһ Сејјид Әләви Горгани, Ајәтуллаһ Әһмәд Хатәми, Һөҹҹәтүл Ислам вәл Мүслимин Сејјид Сәиди, Үмүмдүнја Әһли-Бејт Ассамблејасынын Баш Катиби Һөҹҹәтүл Ислам Ҹәнаб Әхтәри вә саир бөјүк алим вә Руһаниләр дә иштирак едибләр.
Мəҹлисин хәтиби, Үмүмдүнја Ислам Мәзһәбләринин Јахынлашмасы Ассамблејасыныын Баш Катиби Ајәтуллаһ Мөһсин Әраки ҹәнаблары олуб.
Диггәт: Хәбәрдән истифадә етдикдә мәнбәјә истинад лазымдыр
