Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹанын дөвләт башчысы Илһам Әлијев вә аиләсинә мәхсус, офшор зоналарда гејддијатдан кечмиш ширкәтләр барәдә ICIC (Бејнәлхалг Арашдырмачы Журналистләр Консорсиуму) тәшкилатынын сон арашдырмалары һагда мәлумат вермишдик. Бу хәбәр дүнја мәтбуатынын ҝүндәмини зәбт етмәкдәдир. Гардаш Түркијә медиасында да бу хәбәр бөјүк мүзакирә мөвзусуна чеврилиб.
Түркијәнин “Миллијјет”, “Канал Б”, “Радикал Блог”, “Т-24", ”Мерсиним.нет", “Һабер7 Тв”, “Дүнја Бүлтени”, “Сол Портал”, “Һабер Х”, “Тараф”, “Јени Шафак” вә башга гәзетләри бу хәбәрә ҝениш јер ајырыб.
“Миллијјет” гәзети “Дөвләт лидерләрини утандыран 32 трл”, Т-24 гәзети “Әлијевләрин верҝи гачырдығы ортаја чыхды”, Мерсиним.Нет порталы “170 өлкәнин милјонери верҝидән јајыныб”, “Тараф” гәзети “Һесаблар артыг шәффаф” , “Һабер Х” гәзети “ән бөјүк оғру Әлијевләр аиләси”, “Һабер7 ТВ” “Ҝизли зәнҝинләр”, “Һабер 365" ”Дүнјанын ән бөјүк оғрулары" башлыглы јазылар дәрҹ едиб. Бир чох сајтларда исә “Илһам Әлијев јолсузлугда илин лидери”, “ән бөјүк бомба Әлијевләр аиләси” кими јазылар јер алыб. Бүтүн бу садаладығымыз јазылар Илһам Әлијев вә аиләсинин шәкилләри фонунда башлыға чыхарылыб. 130 мин мәмурун адынын һалландығы арашдырмада ән чох һәдәфә алынан Илһам Әлијев вә аиләсидир.
Буна гәдәр Әлијевләрин варидаты һаггында мүхтәлиф ачыгламалар олмушду. Анҹаг сәрвәтин бөјүклүјү, оғурлуг пулларын мигдары бахымындан бу хәбәр даһа чох сәс-күјә сәбәб олду. Верилән мәлумата ҝөрә, бу оффшор зоналарда олан ширкәтләр хүсуси схем үзрә фәалијјәт ҝөстәрир. Бир милјон ширкәтин јер алдығы адаларда ҝизлилик фәргли јолларла тәмин олунур. Һөкумәт ширкәтләринин саһибләринин ким олдуғу вә нә иш ҝөрдүкләри билинмир. Әсл саһибләр бүтүн әмәлијјатлары васитәчиләрлә һәјата кечирирләр. Васитәчиләр исә һеч бир сирр ачыгламырлар. Һәтта бу васитәчиләр тәсбит олундугда белә, инҝилис һүгуг системинин ишләмәдији Невис, Вануату, Дубајдан олан сахта бир вәкил идарәчинин адыны верирләр вә јахуд ҝерчәк саһибләри танымадыгларыны, бүтүн билҝиләри Кипр вә Панамада јашајан һансыса јеткилидән алдыгларыны иддиа едирләр. Бунун арашдырылмасына исә бөјүк вахт сәрф олунур. Бу мүддәтдә исә һесаблар бошалдылыр, изләр итирилир.
Гејд едәк ки, Вирҹин адасы Инҝилтәрәнин табечилијиндәдир. Еһтимал олунур ки, ијун ајында кечириләҹәк “Сәккизләр”ин зирвә ҝөрүшүндә Инҝилтәрәнин баш назири Девид Камерон бу мәсәлә илә бағлы ҹидди тәнгидләрә мәруз галаҹаг.
Диггәт: Хәбәрдән истифадә етдикдә мәнбәјә истинад лазымдыр
