Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Доктор Мәнсур Һәгигәтпурун Азәрбајҹан халгына тәбрик мәктубунун Араннеwс-да вә Азәрбајҹан сајтларында ишыгландырылмасындан сонра Азәрбајҹанын һаким партијасынын бу өлкә парламентиндәки депутаты вә Јени Азәрбајҹан Партијасынын Иҹрачы катибинин мүавини Сијавуш Новрузов гәрбјөнүмлү Јени Мүсават гәзетинә мүсаһибәсиндә Доктор Һәгигәтпурун үнванына бәзи иттиһамлар сәсләндирмишдир. ИИР Ислам Шурасы Мәҹлисинин Милли тәһлүкәсизлик вә хариҹи сијасәт комиссијасынын сәдр мүавини бу мүнасибәтлә Азәрбајҹан халгына икинҹи мүраҹиәтини үнванламышдыр. Мүраҹиәти олдуғу кими тәгдим едирик:
Аллаһын ады илә
Шәрафәтли вә гејрәтли Азәрбајҹан халгы!
Мәним Новруз бајрамы мүнасибәтилә сиз мүсәлман халга тәбрик мүраҹиәтим Азәрбајҹанын һаким партијасынын өлкә парламентиндәки депутаты Сијавуш Новрузову чох нараһат етмиш, о да парадоксал вә јалан мүсаһибә вермәјә мәҹбур олмушдур. О, илк дәфә мәним Азәрбајҹан вә Иран вәтәндашларынын садәләшдирилмиш гајдада сәрһәди кечмәләри һаггында Меморандумун Азәрбајҹан Парламенти тәрәфиндән ләғв едилмәсинә етиразымдан сонра мејдана чыхыб дискуссијаја һазыр олдуғуну елан етди. Мән бирнечә мәктублашма илә онларла елми мөвзуну вә һәтта дискуссијанын јерини вә заманыны тәјин етдим. Лакин Новрузхан һеч бир дәлил ҝөстәрмәдән бундан бојун гачырыб иттиһамлар ирәли сүрмәјә, әсассыз сөзләр данышмаға башлады. Бундан сонра анладым ки, бөјүк бир халгын вәкиллији иддиасыны едән, амма ибтидаи полемика гајдаларыны билмәјән бир адам халгын һәгиги вәкили ола билмәз. Мәһз буна ҝөрә бирбаша сизинлә данышмаг гәрарына ҝәлдим.
Индики дурумда сиз халга һаким олан бәзи мәмурлар, о ҹүмләдән бу депутат дост вә дүшмәнини сечмәкдә бөјүк чашгынлыға дүчар олмушлар. Бәлли дејил ки, һансы дәлил вә мәнтигә әсасән Ермәнистана вә гондарма Дағлыг Гарабағ республикасына һәмишә јардымлар едән, һәтта БМТ-нин сәсвермәләриндә дә адәтән Азәрбајҹанын әрази бүтөвлүјүнә сәс вермәјән Американы вә Исраили Азәрбајҹанын досту, Азәрбајҹанын мүстәгиллијиндән бу јана она һеч бир көмәјини әсирҝәмәјән Ираны исә дүшмән сајырлар. Әлбәттә, Азәрбајҹанын јүксәк рүтбәли мәмурлары буну дәрк етмишләр. Мәсәлән Бакыда Азәрбајҹанын мөһтәрәм президенти илә ҝөрүшүмүз заманы деди: "Америкалылар бизи сајмыр вә һәмишә Ермәнистаны дәстәкләјирләр". Лакин әмәли олараг бу өлкәдә антииран һәрәкәтләрин ҝүнбәҝүн артдығыны ҝөрүрүк. Сијавуш Новрузовун әсассыз фикир вә иттиһамлары да бу гәбилдәндир.
Шәрафәтли Азәрбајҹан халгы!
Әввәлҹә ҹәнаб Новрузханын барәмдәки гәрибә вә әлбәттә ки, ҝүлүнҹ иддиаларына тохунмағы лазым билирәм. О иддиа едир ки, мән 1996-ҹы илдән Азәрбајҹан Республикасында ҹинајәт ахтарышындајам вә барәмдә ҹинајәт иши ачылмышдыр. Чох тәәҹҹүблүдүр, мән сон бир нечә илдә, хүсусән дә Әрдәбилдә вали оларкән бир нечә дәфә Азәрбајҹана сәфәр етмишәм. Бакыја сонунҹу сәфәрим олан 3 мај 2010-ҹу илдә президентлә вә диҝәр мәмурларла рәсми ҝөрүшләр кечирмишәм. Бундан әлавә, Азәрбајҹанын Ирандакы сәфири габагҹадан вахт алараг бир нечә дәфә мәнимлә ҝөрүшмүшдүр. О, һәмчинин иддиа едир ки, онда мәни ифша едәҹәк 200 сәһифәлик материал вар. Мәнсә узун мүддәтдир дејирәм ки, Гарабағ мүһарибәсиндәки хидмәтләримизи тәсдигләјән бир нечә мин сәһифәдән ибарәт јазылы мәрузә вә шәкилләр вә 100 саатдан артыг видеоматериал вар. Мән һазырам күтләви информасија васитәләриндә һәр ики тәрәф өз сәнәд-сүбутларыны тәгдим етсин.
Һамымыз билирик ки, сәрһәдләр 90-ҹы илдә ачылыб, хүсуси ҝет-ҝәлләр вә халгларымыз арасында һәр һансы бир рабитә дә бундан сонракы илләрә аид ола биләр. Амма мәним азәри гардашларла илк ҝөрүшүм 91-ҹи илә тәсадүф едир. Һәлә мүстәгилликдән өнҹәки ганлы-гадалы ҝүнләрдә халг тәмсилчиләри олан мүбариз вәтәнпәрвәрләр Ирана тез-тез сәфәрләр едир, онлара гаршы башланан әдаләтсиз мүһарибәдә биздән јардымлар истәјирдиләр. Онлар дејирдиләр ки, коммунистләр вә ермәниләр тәпәдән-дырнағадәк силаһлыдырлар, биздә исә динҹ әһалини горумаг үчүн ибтидаи силаһлар да јохдур. Гејд едирдиләр ки, һәтта мүнагишә башламаздан өнҹә планлы шәкилдә бәзи адамларын әлиндә олан ов силаһлары да јығышдырылыб. Бах беләҹә мүнагишә зоналарында мүдафиә вә мүгавимәт дәстәләри јаратмаг мәгсәди илә илкин әлагәләр гурулду. Бу ишләр реҝионал вә глобал дәјишикләрлә бирҝә мүсәлман Азәрбајҹан халгынын коммунистләрин әсарәтиндән чыхмасына сәбәб олду. Мараглыдыр ки, ҹәнаб Новрузхан сиз Азәрбајҹан халгынын коммунистләрдән гуртулмаг үчүн ҝөстәрдији сәји тәхрибатчы фәалијјәт адландырыр. Јәгин о вә онун һәмфикирләри һәлә дә коммунистләрин һакимијјәти алтында галмаг истәјирләрмиш.
Бакы, Ҝәнҹә, Ширван, Ләнкәран, Астара вә диҝәр шәһәрләрин гејрәтли әһалиси!
Сиз бөјүк вә гејрәтли кишиләрин варисләрисиниз вә онларла фәхр етмәлисиниз. Бу кишиләрдән бири "ОМОН"-ун гәһрәман командири Рөвшән Ҹавадовдур. Ҹәнаб Новрузхан сон сөзләриндә мәним онларла рабитәми ифша етдијини ҝүман етмишдир. Каш "ОМОН"-чуларда вә онларын шәһид командириндә олан гејрәтдән бир гәдәр дә Новрузханда вә диҝәрләриндә олајды. Әҝәр тарихә ермәни тәҹавүзкарларына гаршы мәрдликлә мүбаризә апаран бир азәри групу ҝөстәрмәли олсаг, бу групу ҝөстәрмәлијик. Лакин онларын командири Гарабағын азадлығыны өз шәхси марагларына мане биләнләр тәрәфиндән шәһид едилди. Әҝәр лазым олса, мән сонра бу һагда даһа әтрафлы данышарам. Инди бу гәдәр дејим ки, һәтта бу шәһидин оғлу Лачына да рәһм етмәјиб гәрибә тәрздә өлдүрдүләр. Шәһид Рөвшән Ҹавадовун өз оғлуна Азәрбајҹанын бир шәһәринин адыны гојмасы онун вәтәнинә ҝүҹлү севҝисини ҝөстәрир. Јахшы олар ки, Новрузхан әввәлләр барәсиндә данышдығым ҹәнаб Дајыдан Шәһид Рөвшән Ҹавадовун фикирләри һагда өјрәнсин. Шәһид Рөвшән Ҹавадов дәфәләрлә мәнә дејирди ки, Гарабағ мәсәләсиндә мүхтәлиф сәвијјәли мәмурлар ашкар хәјанәтләр едирләр. О сонра мүҹаһид әфган гүввәләрини Ҹәнуби Гарабағда јерләшдирди ки, ермәниләрин диҝәр бөлҝәләри зәбт етмәсинин гаршысыны алсынлар.
Әзабкеш Азәрбајҹан халгы! Билмәлисиниз ки, Шәһид Рөвшән Ҹавадов Әфганыстан мүҹаһидләри илә данышыглара башлады, онун сәјләриндән сонра ики миндән артыг әфган дөјүшчү Азәрбајҹан халгы вә мәмурлары тәрәфиндән Гарабағы мүдафиә етмәк үчүн һәмин бөлҝәјә апарылды. Новрузхан ҹаваб вермәлидир ки, әфганлар онун јеринә Гарабағы мүдафиә едәндә һарадајды. Гејрәтли Рөвшән Ҹавадов хәјанәткарларын гаршысында мөһкәм дајаныб диҝәр јерләрин ишғалына мане олурду. Лакин әфсуслар олсун ки, она вә достларына чох бөјүк ҹәфалар едилди. Шүбһәсиз ки, заман бир чох мәсәләләрә ајдынлыг ҝәтирәҹәк.
Мәнимлә дини вә дили бир гардаш вә баҹыларым!
Коммунистләрин узун истиласы вә ондан сонра гәрб дәјәрләринин һаким олмасы сәбәбиндән бу ҝүн өзүнүн әсл Ислам кимлијиндән узаг дүшмүш Азәрбајҹан республикасы Шәһид Ајәтуллаһ Шејх Әбдүлгәни Бадкубеи, Шәһид Сејид Мәһәммәд, Шејх Һәнифә Бадкубеи, Шәһид Шејх Әбдүлгаффар Ордубади, Мирзә Әбдүлгаффар Ордубади, Сејид Мәһәммәд аға вә Мирәшрәф Салјани кими бөјүк алимләри хатырлајыр. Онлар коммунист режиминин ағыр репрессија дөврүндә дини етигадларыны мүдафиә вә шиә һөкмләрини тәблиғ етдикләринә ҝөрә һәбс олунмуш, ән ағыр психоложи вә физики ишҝәнҹәләрә дөздүкләри узун мүддәтдән сонра шәһадәтә говушмушлар. Мараглыдыр ки, белә бир өлкәдә бәзи адамлар бизи Ислам партијасы јаратмагда иттиһам едиләр. Суал олунур ки, мәҝәр белә шәһид алимләрин варисләри олан диндар азәриләр әһалисинин 95 фаизи мүсәлманлардан ибарәт олан бир өлкәдә бир Ислам партијасы јаратмағын зәрурәтини анламырдылармы? Новрузхан вә онун һәмфикирләри бизи һәтта гапалы коммунист дөврүндә дә өз дининин тәәссүбкешлијини вә гејрәтини чәкән диндар инсанлары һимајә етмәкдә иттиһам едирләр. Анҹаг онлар Новрузхан кими дејилдиләр ки, дөврүн шәраитинә ујғунлашмагдан өтрү дин вә мәдәнијјәтләри илә базарлыг вә өз тарихләрини тәһриф етсинләр. Әлбәттә, Азәрбајҹан мүсәлманлары вә о ҹүмләдән Ислам партијасынын нүмајәндәләри һәмишә шиә мәркәзләри илә, дини алим вә мүҹтәһидләрлә әлагәләрини горумуш, һәр бир дөнәмдә өзләринин дин вә шәриәтдән ирәли ҝәлән вәзифәләринә дүзҝүн әмәл етмәјә чалышмышлар.
Һамынын билмәси јахшыдыр ки, әввәла дүнјада Исламын вә мүсәлман ҹәмијјәтләрин инкишафы бизим өз үзәримизә ҝөтүрдүјүмүз глобал миссија вә мүгәддәс арзудур. Коммунист әсарәтиндән чыхмыш вә бүтүн дини әнәнәләри мәһв едилмиш бир мәзлум халга Исламы дирчәлтмәк јолунда јардымчы олмушугса, бунунла фәхр едирик. Амма әсаслы бир иш ҝөрәндә ону ачыг шәкилдә елан етмәјә дә ҹүрәтимиз чатыр. Бизим Һизбуллаһ вә Һәмас тәшкилатлары илә мүнасибәтләримиз буна әјани сүбут
