Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Франсада чап олунан “Ле Фиҝаро” газети, Мјанмада бүтпәрәст раһибләрин Мүсәлманлара гаршы төрәтдији ҹинајәтләринә ишарә едәрәк јазыр: “Мјанмада, орта мәктәбдә баш верән јанғында, 13 ушаг дүнјасын итириб. Баш верән фаҹиә, орта мәктәбин јерләшдији мәнтәгәдә јашајан сакинләрин, бөјүк ниҝәранчылыг кечирмәләринә сәбәб олуб.”
Гејд едәк ки, Мјанма, сон ајларда, радикал бүтпәрәст раһибләрин Мүсәлманлара гаршы сајсыз ҹинајәтләр төрәтмәләринин шаһиди олуб. Бүтүн бунлара бахмајараг, Мјанма полиси, Орта Мәктәбдә баш вермиш јанғыны садәҹә “гәза” һадисәси кими гијмәтләндирир. Мјанмада бүтпәрәст дөвләт дә, өз нөвбәсиндә, баш вермиш һадисәнин, өлкәдәки Дини Гаршыдурмалара гәтијән һеч бир адијјатынын олмадығыны билдириб.
Полис, јанғынын сәбәбини, електирик ҹәрјанында гәфләтән волтажын јүксәләрәк, партламасы кими елан етсәдә, лакин Мјанмалы Мүсәлманлар гәза сәбәбиндә полисин ирәли сүрдүјү нәзәријјәјә шәклә јанашырлар.
Хатырладаг ки, тәкҹә өтән үч ҝүн әрзиндә, Мјанмада Дини Гаршыдурмалар зәмининдә 43 Мүсәлман, бүтпәрәстләр тәрәфиндән шәһид едилиб.
Диггәт: Хәбәрдән истифадә етдикдә мәнбәјә истинад лазымдыр
