Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән вәһаби Али Сәуд режиминн прокурорлуғу тәрәфиндән Шиә Үләмасы, Һөҹҹәтүл Ислам вәл Мүслимин Шејх Нәмр Багирул Нәмр ҹәнабларына “едам һөкмү”нүн истәнилмәсинин ардынҹа, артыг бүтүн дүнја, бу һөкмә гаршы етираз сәсини уҹалдыр.Бу ҝүн, 2 Апрел 2013 тарихдә, Дүнја Шиәләринин Али Тәглид Мәрҹәси, Ајәтуллаһ Сејјид Әләви Гургани ҹәнаблары да, өз нөвбәсиндә, бу һаггсыз һөкмә гаршы БӘЈАНАТ јајымлајыб.
Бәјанатын там мәтнин сајтымызын зијарәтчиләринә тәгдим едирик:
بسم الله الرحمن الرحیم
من المؤمنین رجال صدقوا ما عاهدوا الله علیه فمنهم من قضی نحبه و منهم من ینتظر. )الأحزاب:(23
«Мөминләр ичәриләриндә еләләри дә вардыр ки, Аллаһла етдикләри әһдә садиг оларлар. Онлардан кимиси (бу јолда) шәһид олмуш, кимиси дә (шәһид олмасыны) ҝөзләјир.»
Ешитдик ки, Әрәбистан режиминин прокурорлуғу, чох хәтәрли бир аддым атараг, Әрәбистан мәһкәмәсиндән, Ҝөркәмли, Мүҹаһид, Ингилабчы Руһани Һөҹҹәтүл Ислам вәл Мүслимин Шејх Нәмр Багир әл-Нәмри едам етмәк мәгсәди илә, она гаршы, “Аллаһ илә Мүһарибә Едән шәхсин (админ: Мүртәддин) ” һөкмүнүн верилмәсин тәләб едиб.
Мән, бу аддымы, Дүнја Мүсәлманларынын – истәр Шиә истәрсә дә Сүнни- үмуми мәсләһәтләринә зидд олдуғуну дүшүнүр вә бу аддымы, глобгл истикбарчылары тәрәфиндән, Аллаһын (ҹәллә Ҹәлалуһ) Динини Горујанларын, Ислам Үләмаларынын гәтлиам едилмәсинә зәминә јаратмаг мәгсәди илә, диктә едилдијини дүшүнүрәм. Бу сәбәбдән дә, бу аддымы мәһкум едәрәк, бүтүн Мүсәлманлардан вә Дүнја Азадәләриндән – хүсуси илә дә Әрәбистанда јашајан Мүсәлманлардан- Әрәбистан Али Мәһкәмәсинин Һаким Һејәтинә гаршы етиразларынын бүтүн мәрһәләсини аддымлајараг, өз әкс сәдаларыны бүтүн дүнјаја чатдырмаларыны тәвәгге едирәм.
Муһәммәд Әли Гургани
Диггәт: Хәбәрдән истифадә етдикдә мәнбәјә истинад лазымдыр
