Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ермәнистан Милли Статистика Хидмәтинин сајтында өлкәјә Азәрбајҹан Республикасындан мал идхал олундуғу һаггында мәлумат јер алыб.
2011-ҹи ил әрзиндә өлкәләр үзрә тиҹарәт әмәлијјатлары бөлмәсиндә ҝөстәрилиб ки, Ермәнистан Азәрбајҹандан 8,5 мин долларлыг мал идхал едиб (http://www.armstat.am/file/doc/99473898.pdf линкинә дахил олуб, 468-ҹи сәһифәдәки ҹәдвәлә бахмаг мүмкүндүр).
Хәбәри шәрһ едән игтисадчы експерт Губад Ибадоғлу дејиб ки, бу, Ермәнистанла Азәрбајҹан арасында тиҹарәт әлагәсинин олдуғуну ҝөстәрир: “Азәрбајҹан малы, туталым, Ҝүрҹүстан ширкәтләри васитәсилә Ермәнистана тәкрар ихраҹ едилсә, онда һәмин мәлумат Ҝүрҹүстанла Ермәнистан арасында тиҹарәт дөвријјәсинин статистикасына салынарды. Ермәнистанын рәсми статистикасы Азәрбајҹанын гаршысына һәмишә 0 рәгәми јазырды. 2011-дә исә 8,5 мин доллар јазылыб”.
Експерт әлавә едиб ки, рәсми статистикаја ҝөрә, 2011-ҹи илдә Түркијәдән Ермәнистана идхал 240 милјон 248 мин 200 доллар һәҹминдә олуб.
Диггәт: Хәбәрдән истифадә етдикдә мәнбәјә истинад лазымдыр
