Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән сон вахтлар мәнтәгә өлкәләриндә һиҹаба гаршы тәзјигләр иҹра олмасына бахмајараг, Түркијә, Азәрбајҹан Республикасы вә Ҝүрҹүстан кими өлкәләрдә һиҹаба тәмајүл ҝүнбәҝүн артмагдадыр. Бу арада һәтта, бир заманлар өзләри һиҹабсызлығы тәблиғ едән гадынлар һиҹаба үз ҝәтирмәләри диггәти даһа чох ҹәлб едир. Пәрванә Ҹәфәраға, Викторија Јемелјановна Хачирова Гамхурелидзе, Фатимә Фәтәлијева, Маша Елиликна, Хураман Шушалы кими мәшһурлар белә мүғәнни вә моделләрин јалныз бәзиләридир ки, узун мүддәт һиҹабсызлыгдан сонра һиҹабы сечдиләр. Мараглы бурасыдыр ки, онларын һамысы өзләринин һиҹабсызлыг дөврләринә нифтәрлә бахырлар, һәтта, бәзиләри һәмин дөврләри ҹаһиллик дөврү адландырырлар.
Әлбәттә, һиҹаба үз тутанлар арасында танынмыш телеканал апарыҹылары, танынмыш идманчыларын һәјат јолдашлары да вардыр.
Бу шәхсијјәтләрлә бир аз әтрафлы таныш олаг:
Пәрванә Ҹәфәрова
Пәрванә Ҹәфәрова габаглар мүғәнни олмуш азәрбајҹанлы бир гадындыр. О, имам Рзанын (ә) һәрәминдә шәфа тапдыгдан сонра Исламын шиә мәктәби барәсиндә тәдгиг едир вә бу динә ҝәлир.
О дејир: “Мән 28 јашыма кими карате илә мәшғул идим вә Азәрбајҹанын волејбол јығмасынын үзвү идим”.
Исламы гәбул етмиш бу азәрбајҹанлы ханым өзүнүн мүғәнниллијә марағы барәдә дејир: “Мәним түрк мүғәнниләринә, әсасән дә түрк гадын мүғәнниләрин буринә хүсуси севҝим вар иди вә ону өзүмә идеал билирдим. Она ҝөрә дә университетдә мүғәннилик ихтисасыны сечдим”.
О давам едир: “Бирдән-бирә һәр ики гычым ифлиҹ олду. Бир мүсәлман гадын гоншумуз вар иди. О мәни Ирана вә имам Рзанын (ә) һәрәминә апармаға исрар етди. Имам Рзанын (ә) һәрәминдә һеч бир инанҹым олмадығы һалда мүсәлман-шиә ҹамаатла бирликдә ҝөз јашы төкүр, ағлајырдым вә бунун сәбәбини билмирдим. Буна ҝөрә дә Ајәтуллаһ Беһҹәтин јанына ҝетдим. О вә онун тәләбәләри мәнә салават охумағы өјтәрдиләр. ”
Пәрванә ханым дејир: “Өлкәмизә гајытдыгдан сонра һәмин мүсәлман гадын гоншумуз мәнә деди: Сән ҝәрәк һиҹаблы оласан. Чүнки ики бөјүк шәхсин (Имам Рза вә Ајәтуллаһ Беһҹәт) ҝөрүшүнә ҝетмисән!”
Пәрванә Ҹәфәрова һазырда һиҹаблы олмасындан әлавә, дини мәсәләләр үзрә тәһгиглә дә мәшғулдур.
Викторија Јемелјановна Хачирова Гамхурелидзе
Ҝүрҹү мүғәнни Сули Азәрбајҹанда мәсҹидә ҝәләрәк шәһадәтејни дејиб вә Исламы гәбул едиб. Исламы гәбул етмиш бу ханымын әсил ады Викторија Јемелјановна Хачирова Гамхурелидзедир.
Азәрбајҹанын Тәзәпир мәсҹидинин идарә һејәтинин үзвү һаҹы Иршад дејир: “Сули бу мәсҹидә ҝәләрәк шәһадәтејни деди вә Исламы гәбул етди”.
Сули Ислам динини гәбул етдикдән сонра дејиб: “Мән Ислам дини барәдә ҝениш тәдгигатым әсасында аҝаһ һалда бу дини сечдим вә она иман ҝәтирдим”.
Фатимә Фәтәлијева
Азәрбајҹан Республикасынын бу мәшһур мүғәнниси имам Рзанын (ә) һәрәмини зијарәт етдикдән сонра өз сәнәтиндән әл чәкди.
Азәрбајҹан Республикасынын ән мәшһур мүғәнни вә рәггасәси имам Рзанын (ә) һәрәмини зијарәт етдикдән сонра өз сәнәти илә видалашдығыны вә һәјаты үчүн јени бир јол сечәҹәјини билдириб.
Фатимә Фәтәлијева Мәшһәд зијарәтиндән гајытдыгдан сонра өлкәнин Тренд аҝентлији илә мүсаһибәсиндә дејиб: “Баша дүшүрәм ки, Аллаһыма даһа јахын олмагдан өтрү бу сәнәтдән мүтләг узаглашмалыјам. Там сәмимијјәтимлә дејирәм ки, ҝетмәк истәјирәм сәһнәдән”.
Азәрбајҹанлы мүсәлман ханым артырыб: “Һәр заман Танрыја дуалар едәндә дејирәм, үзүмә елә бир гапы ачылсын ки, мән даһа рәггасәлик етмәјим. Имам Рзанын (ә) һәрәмини зијарәт едә билмәјим мәним бу арзуму ҝерчәкләшдирди”.
Ханым Фәтәлијева артырыб: “Мәним мүғәннилик вә рәггасәликдән узаглашмағым бәлкә дә Азәрбајҹанда бир чохларына гәрибә ҝәлә биләр. Амма мән Аллаһ дәрҝаһына дуа едирәм ки, бу сәнәтимдән узаглашым”.
Бејда Шүкур (Һакан Шүкурун һәјат јолдашы)
Түркијә милли футбол командасынын кечмиш капитаны, һазырда Түркијәнин һаким Әдаләт вә Инкишаф Партијасынын Истанбул милләт вәкили олан Һакан Шүкүр һәјат јолдашы Бејданын өз истәји илә һиҹабы сечдијини вә өзүнүн дә һәјат јолдашынын сечиминдән разы галдығыны билдириб.
Һакан Шүкурун 41 јашы вардыр вә 15 илдир ки, евлидир. Бу евлиликдән 3 өвлад дүнјаја ҝәлиб. О, һәјат јолдашы илә һәҹҹ сәфәринә ҝетдикдән сонра Бејда Шүкур һиҹаблы олуб.
Түркијә медиасы Бејда Шүкурун һәҹҹ әмәлләрини јеринә јетирмәсиндән сонра белә бир гәрар вермәсини јазды.
Динарә Сәдрәддинова
Россија телеканалынын јеҝанә һиҹаблы апарыҹысы Динарә Сәдрәддинова “Московскиј Комсомолеч” гәзетиндә бир мәгалә дәрҹ едәрәк өз шәхси һәјаты барәдә јазыб.
О, өз мәгаләсиндә мүсәлман олмасында пешман олмадығыны билдириб. Русија телевизијасынын дини верлишләриндән биринин апарыҹысы олан Динарә өз пешәсиндән дә разы олдуғуну дејиб.
О јазыр: “Һазыркы верлишдән өнҹә пејк антенасындан јајымланан диҝәр бир дини верлишин апарыҹысы идим. Тәһсилими тәзә тамамламышдым вә мини јубка ҝејирдим. Бәзи вахтлар верлиш әснасында јајлыг бағламалы олурдум. Јубкам ҝөрүнмүрдү. Бирд аһа ҝүзҝүдә мини јубка вә јајлыгла өзүмә бахдым. Тамашачыларын мәни һиҹаблы фикирләшмәләриндән виҹдан әзабы һисс едирдим. Гыса бир мүддәтдән сонра төвбә вә истиғфар етдим”.
Маша Елиликна
Маша Елиликна Русија вә русдилли мәнтәгәләрин әһалиси үчүн танынмыш бир аддыр. О тәгрибән ики ил бундан өнҹә мәшһур инсәсәнәт устасы вә модел кими танынырды. Онун Русијада популјарлығы вә севимлилији “Фабрик мусиги вә рәгс групу” илә өз јүксәк зирвәсинә чатды.
Кечмиш кино, мусиги вә рәгс улдузу олан Маша Елиликна һазырда ислами һиҹаб ҝејинир вә мәктәбдә дәрс вермәклә мәшғулдур. О өзүнүн кечмиш јалыанчы ҝөрүнтүләринә нифрәт етдијини вә инди өзүнү хошбәхт һисс етдијини дејир.
Хураман Шушалы
Азәрбајҹан Республикасынын танынмыш мүғәнниси АНС телеканалына вердији мүсаһибәсиндә өзүнүн һиҹаблы олмасы барәдә дејиб: “2010-ҹу илдә Кәрбәла зијарәтиндә олмушам. Амма инди һиҹаба кечмәјим бунунла әлагәдар дејил вә диҝәр дәлили вардыр”.
О, һиҹабсыз олдуғу дөврләри өзүнүн ҹаһил олдуғу дөврләр адландырыб вә Азәрбајҹанын бүтүн медиа мәсулларындан истәјиб ки, онун һиҹабсыз фотоларыны медиадан јығышдырсынлар.
Аллаһдан һәр кәсә һидајәт диләјән Хураман, һамыдан онун габагкы фотоларынын јығышдырылмасы барәдәки гәрарына һөрмәт вә анлајышла јанашмағы хаһиш етди.
Диггәт: Хәбәрдән истифадә етдикдә мәнбәјә истинад лазымдыр
