Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Сәуди Әрәбистан режиминин Прокурорлуғу тәрәфиндән, режимин Али Мәһкәмәсиндә, Шиәнин танынмыш Мүбариз Руһаниләриндән бири олан, Ајәтуллаһ Шејх Нәмр Багирул Нәмрә едам һөкмүнүн тәләб едилмәси, режим дахилиндә олдуғу кими, днјада да бөјүк етиразла гаршыланыб.
Үмүмдүнја Әһли-Бејт (әлејһимус сәлам) Ассамблејасы, өз вәзифә борҹун јеринә јетирәрәк, Сәуд режими тәрәфиндән тәгиб олунан Шиә Руһанисинин ҝүнаһсызлығыны чатдыран вә һәмчинин бу Руһанијә тәләб олунан гондарма едам һөкмүнү кәскин сүрәтдә тәнгид едән бәјанат јајымлајыб.
Бәјанатын там мәтнин сајтымызын зијарәтчиләринә тәгдим едирик:
بسم الله الرحمن الرحيم
«الذين آمنوا و هاجروا و جاهدوا في سبيل الله بأموالهم و أنفسهم أعظم درجة عند الله و اولئك هم الفائزون»
(سوره توبه ـ آيه 20)
Сәуди Әрәбистан режиминин прокурорлуғу, ҝөрүнмәмиш хәтәрли бир аддым атараг, Шиәнин Дини Алими, Мүҹаһид Руһаниси, Һөҹҹәтүл Ислам вәл Мүслимин Шејх Нәмр Багирул Нәмр ҹәнабларыны, Гәтиф әјаләтиндә өлкә тәһлүкәсизлијинә гаршы фитнә төрәтмәк иттиһамы илә ШӘРЛӘЈӘРӘК, она Мүһариб вә Едам һөкмүнүн верилмәсини тәләб едиб.
Шејх Нәмр вә диҝәр Руһани вә сијаси фәаллара бу нөв иттиһамларын нисбәт верилмәси, елә бир шәраитдә баш верир ки, фәаллар, онлара атылан иттиһамларын там әксинә олараг, өлкәнин Шәргијјә мәнтәгәсиндә, халгын тапдаланмыш һүгугларыны, азадлыг, әдаләт, сијаси бәрабәрлик вә халгын истәји илә гурулан дөвләтин бәрпа едилмәсини тәләб едибләр.
Сәуд режими, даһа бир ганунсуз аддым атараг, 18 Әрәбистан Шиәсини, хариҹи өлкәләрдән бири үчүн ҹасуслуг етмәк иттиһамы илә, һәбс едиб. Бу ганунсуз аддым елә бир заманда атылыб ки, Әрәбистанда мүхтәлиф тәшкилатлар вә иҹмалар һәлә дә бу гондарма иттиһмы тәкзиб едирләр.
Сәуди Әрәбистан режиминин Прокурорлуғу тәрәфиндән Шејх Нәмрә, “Аллаһ илә Мүһарибә едән шәхсин һөкмү”нүн тәләб едилмәси, режим дахилиндә олдуғу кими, днјада да, мүтәлиф һүгуг тәшкилатлары тәрәфиндән бөјүк етиразла гаршыланыб. Халг, Шејх Нәмрин агибәтинә ҝөрә, чох нҝәранчылыг кечирир.
Үмүмдүнја Әһли-Бејт (әлејһимус сәлам) Ассамблејасы, мәһкәмәдә мүттәһимин вәкилләринин һүзуру олмадан вә вәкилләр тәрәфиндән һеч бир вәсатәт ирәли сүрүлмәдән, Прокурорлуг тәрәфиндән тәләб олунан әдаләтсиз һөкмү мәһкум етмәклә јанашы, Мүҹаһид вә Рәббани Алимин, диҝәр сијаси фәалларын вә ҝүнаһсыз инсанларын агибәти барәтә өз ҹидди ниҝәранчылығыны билдирир.
Үмүмдүнја Әһли-Бејт (әлејһимус сәлам) Ассамблејасы, дүшүнүр ки, Шејх Нәмрә гаршы, прокурорлуг тәрәфиндән “Аллаһа гаршы Мүһарибә едән шәхсин һөкмү”нүн (админ: јәни мүртәдд һөкмү) тәләб олунмасы, Әрәбистанда узн илләрдән бәри, Шиәләрин арадан ҝетмиш һүгугларынын бәрпа едилмәсини, онларын азад вә сијаси сечкиләрдә иштирак етмәкләрини, фикир вә сөз азадлығынын тәмин олунуб, шәриәт ганунларынын азад сүрәтдә һәјата кечирилмәсини тәләб етмәк истәјән диҝәр Фәгиһләрә, сијаси вә халгын һүгугларыны горујан шәхсләрә гаршы јөнәлмәсинә зәминә јарадыр
Үмүмдүнја Әһли-Бејт (әлејһимус сәлам) Ассамблејасы, гурумун бүтүн үзвләриндән, һәмчинин бејнәлхалг иҹтимаијјәтдән, үмүмдүнја һүгуг тәшкилатларындан, Шејх Нәмрин, Әлламә әл-Амирин вә Әрәбистандакы диҝәр сијаси мәһбусларын һәјатларына ниҹат вермәк үчүн, тез бир заманда лазымы аддымлар атылмасыны, һабелә Әрәбистан режиминдән ибтидаи инсан һаггларына риајәт етмәклә јанашы, өлкәдәки Шиәләрә, талејләрини өз әлләри илә, азад сүрәтдә һәлл етмәк һаггынын верилмәси уғрунда әлләриндән ҝәләнин әсирҝәмәмәсини истәјир.
Үмүмдүнја Әһли-Бејт (әлејһимус сәлам) Ассамблејасы, Ислам Дүнјасынын бүтүн Тәглид Мәрҹәләринә, Дәјәрли Дин Алимләринә, Елми Һөвзәләрә, сијаси шәхсијјәтләрә мүраҹиәт едәрәк, онлардан, Әрәбистанда Дини Лидерләрин, Алимләрин, Руһанијјәтин вә сијасиләрин еһтирамларынын горунмасы зәмининдә, бәјанатлар јајымлајараг, Шејх Нәмри вә диҝәр ҝүнаһсыз мәһбусларын азад едилмәләри үчүн Әрәбистан рәсмиләринә тәзигләр ҝөстәрмәләрини истәјир.
Үмүмдүнја Әһли-Бејт (әлејһимус сәлам) Ассамблејасы, үмумдүнја Күтләви Информасија Васитәләринә мүраҹиәт едәрәк, онлардан, бу хәтәрли дәјишиликләр мүгабилиндә сүкут етмәмәләрини, һаггы олдуғу кими чатдырмагларыны, дүнја халгларынын иҹтимаи фикрләринин зијалылашдырылмасы зәмининдә лазымы аддымлр атылмасыны тәвәгге едир.
Үмүмдүнја Әһли-Бејт (әлејһимус сәлам) Ассамблејасы
Һиҹри Шәмси тарихи илә, 08 Фәрвәрдин 1392-ҹи ил
(28 март 2013-ҹү ил)
Диггәт: Хәбәрдән истифадә етдикдә мәнбәјә истинад лазымдыр
