Əhли-Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән мартын 28-дә Загатала рајонунун Лаһыҹ кәндиндә кәнд сакинләри етираз аксијасы кечирмәк истәјиб. Анҹаг полис аксијанын кечирилмәсинә имкан вермәјиб.
Бу һагда медиаја Лаһыҹ кәндинин сакини Мөвлуд Ибраһим мәлумат вериб.
Мөвлуд Ибраһим дејиб ки, кәнд сакинләри зәлзәләдән сонра онлара јардым едилмәмәсинә етираз етмәк истәјирмиш:
«Анҹаг аксијанын кечириләҹәјиндән хәбәр тутублар. Дүнән ахшамдан полис кәндә төкүлүб. Гапы-гапы ҝәзирдиләр ки, аксијаја чыхмајын. Мәним евимә дә ҝәлмишдиләр. Сәһәр дә аксијанын кечирилмәсинин планлашдырылдығы әсас јолу кәсдиләр. Инди исә чыхыб ҝедибләр».
Загатала рајон полис шөбәси вә иҹра һакимијјәтиндән Лаһыҹ кәндиндә баш верәнләрлә бағлы онларда мәлумат олмадығыны билдирдиләр.
Февралын 21-дә дә Загатала рајонунун Лаһыҹ кәндинин сакинләри ејни тәләблә аксија кечирмишдиләр. Һәмин вахт рајон иҹра һакимијјәти зәлзәләдән зәрәр чәкәнләрә јардым үчүн кәндә јени комиссија ҝөндәрмишди.
Диггәт: Хәбәрдән истифадә етдикдә мәнбәјә истинад лазымдыр
