Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Бу ҝүн Талыш Мешәләриндә һамыны шока салан һадисә баш вериб.
Лерик рајонун Һамармешә кәндиндә ҝөрүнмәмиш фаҹиәви һадисә баш вериб. Белә ки, кәнд әразисиндә надир һејван сајылан “Талыш Бәбири” пејда олуб вә 18 јашлы Хуршун Адыҝөзәлова адлы бир гызы парчалајыб. Кәнд сакинләринин сөзләринә ҝөрә, вәһши бәбир гызын голларыны, будуну вә сағ гулағыны јејиб.
Мәлуматда о да дејилир ки, һадисә јеринә рајон рәһбәрлији илә јанашы Еколоҝија вә Тәбии Сәрвәтләр Назирлијинин әмәкдашлары да ҹәлб олунублар.
Хатырладаг ки, Азәрбајҹан Халгынын милли вә мадди сәрвәтләрини мәнимсәјәрәк јарадылмыш “Һејдәр Әлијев адына Фонд”унун витсе-президенти, ЫДЕА (Әтраф Мүһитин Мүһафизәси үзрә Бејнәлхалг Диалог) бејнәлхалг еколожи кампанијасынын тәшәббүскары Лејла Әлијеванын Гафгазда нәсли кәсилмәк тәһлүкәси илә үзләшмиш 5 фауна нөвүнүн (ајы, ҹанавар, ҹејран, гартал вә бәбир) горунмасыны әһатә едән "Бөјүк бешлик" програмы чәрчивәсиндә ҝөрдүјү ишләр дә өз бәһрәсини вериб. Апарылан тәдбирләрин нәтиҹәсидир ки, сон заманлар хүсуси мүһафизә олунан тәбиәт әразиләриндә бәбирләр өзләрини даһа тәһлүкәсиз һисс едәрәк сәрбәст јашајыр вә тез-тез мүшаһидә олунурлар. Һәтта бу вәһши һејванлар, өзләрини о һәддә тәһлүкәсиз һисс едирләр ки, заваллы сакинләрә дә һуҹум чәкәрәк, парчаламагдан белә чәкинмирләр.
Мәлумат үчүн дејәк ки, бундан әввәл дә сөзүҝедән кәндә вәһши һејван басгынлары олуб вә онларла аиләнин ев һејванлары тәләф олуб.
Диггәт: Хәбәрдән истифадә етдикдә мәнбәјә истинад лазымдыр
