Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән"Милли Мәнәви Дәјәрләр" Иҹтимаи Бирлијинин тәшәббүсү илә Ханым Зејнәбин мүбарәк мөвлуду вә Новруз бајрамы мүнасибәтилә ушаглар үчүн кечирилән бајрам тәдбиринин өзәллији бу олуб ки, тәдбир зинданда олан мөмин-мәһбусларын өвладлары үчүн тәшкил едилиб.
Тәдбирдә сурудлар, театр сәһнәләшдирилди вә коса вә кечәлин иштиракы илә мүхтәлиф викториналар кечирилди.
Бајрам тәдбириндә чыхыш едән Һаҹы Абҝүл Сүлејмановун һәјат јолдашы Зәһра Сүлејманова Ханым Зејнәбин (ә) һәјаты һагда гыса мәлумат верәрәк бу ҹүр тәдбирләрә дәстәк верән мөмин вә мөминәләрин Аллаһ јанында бөјүк әҹр газандығыны өнә чәкди.
Зәһра Сүлејманова ҝәләҹәкдә даһа ҝениш вә бүтүн мәһбус аиләләринин иштиракы илә белә тәдбирләрин тәшкил едилмәсини үмид етдијини билдириб.
Сонда бүтүн ушаглара һәдијјә верилди.
Диггәт: Хәбәрдән истифадә етдикдә мәнбәјә истинад лазымдыр
