Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Партијасынын Гадынлар Шурасынын сәдри Нөврәстә Ибраһимова Астара вә Ҹәлилабад рајонларына сәфәр едиб. Илк сәфәр Астара рајонуна олуб. Бурада Нөврәстә ханым Азәрбајҹан мөминләринин әсас проблеми олан һиҹаб проблеминдән сөз ачыб. АИП Гадынлар Шурасынын сәдри Кәрбала һадисәсинин әсас сәбәбләриндән биринин дә һиҹабы горумаг олдуғуну хүсуси вурғулајыб.
Нөврәстә ханым Ислам дининин дүшмәнләринин әслиндә һиҹабдан дејил, онун алтындакы саф бејинләрдән горхдуғуну дејиб: «Америка, Инҝилтәрә вә Исраил кими Ислам дүшмәнләри һиҹабдан дејил, онун алтындакы дүшүнҹәли һафизәдән, сијасәтдән горхурлар».
Даһа сонра Нөврәстә ханым гејд едиб ки, Ислам дүшмәнләри мәнфур планларындан бири Ислам дини јајылан өлкәләрдә ејш-ишрәти, инсаны Аллаһдан узаглашдыран әјләнҹәләри һәмин өлкәләрдә азад вә сәрбәст етмәкдир.
Сәфәр заманы АИП-ин Астара Рајон Комитәсинә сәдр сечилиб. Бу, јекдилликлә сечилән Тамара Ахунзадә олуб.
Даһа сонра АИП Гадынлар Шурасы Ҹәлилабада сәфәр едиб. Бурада да ханымлары Новруз бајрамы вә Ханым Зејнәбин мөвлуду мүнасибәтилә һамыны тәбрик едиб вә һиҹабын мөминләрин һәјатында ролундан вә һиҹаб уғрунда верилән гурбанлардан вә шәһидләрдән данышыб.
Ҹәлилабадда исә Азәрбајҹан Ислам Партијасынын рајон комитәсинин Гадынлар Шурасына сәдр Рәһимә Әсәдова сечилиб.
Диггәт: Хәбәрдән истифадә етдикдә мәнбәјә истинад лазымдыр
